Milli Məclis “Müstəqillik Günü haqqında” yeni qanunu qəbul etdi
11:45 / 15.10.2021
438
Milli Məclisin iclasında "Müstəqillik Günü haqqında” yeni qanun layihəsi üçüncü oxunuşda qəbul edilib.
Sfera.az xəbər verir ki, layihə müzakirələrdən sonra səsverməyə çıxarılıb. Deputatlar layihənin lehinə səs veriblər.
"Müstəqillik haqqında” qanun layihəsinə əsasən, mayın 28-nin Müstəqillik Günü, оktyabrın 18-nin isə Müstəqilliyin Bərpası Günü kimi adlandırılacaq.
Həmin günlər hər il bayram kimi qeyd ediləcək. Müstəqillik Günü qeyri-iş günü, Müstəqilliyin Bərpası Günü isə iş günü olan bayram sayılacaq.
Qeyd edək ki, indiyədək 28 May - Respublika Günü kimi, 18 Oktyabr isə Dövlət Müstəqilliyi Günü kimi qeyd olunurdu.
Əzizə Zeynal
Sfera.az