Sfera.az xəbər verir ki, Lionel Messi 2020/2021 mövsümündə də kapitan sarğısını taxacaq.

33 yaşlı argentinalı hücumçu 2018-ci ildə Andres İnyestanın Kataloniya klubundan ayrılmasından sonra bu vəzifəyə sahib olub. Serxio Buskets, Jerar Pike və Serxio Roberto vitse-kapitanlar olacaq. 

Qeyd edək ki, "Barselona" La Liqanın ilk turunda sentyabrın 13-də "Elçe" ilə qarşılaşmalı idi, lakin matç təxirə salınıb. 

Xatırladaq ki, "Barselona"dan ayrılmaq istədiyini bildirən Lionel Messi məhkəmə məsələsinə görə qərarını dəyişib. O, müqaviləsinin bitəcəyi 2021-ci ilin yayınadək komandada qalacağını açıqlayıb. O, 2004-cü ildən "Barselona"nın əsas komandasında çıxış edir. 33 yaşlı forvard bu müddət ərzində bütün turnirlər daxil olmaqla 731 matçda meydana çıxıb, 634 qol və 285 məhsuldar ötürmə ilə yadda qalıb.  (report.az)