Sfera.az xəbər verir ki, jurnalın əməkdaşı Patrik Buaten Azərbaycanın qanunlarına zidd hərəkət edərək Ermənistan ərazisindən qanunsuz olaraq işğal olunan Qarabağa gəlib. Jurnalist 15 gün Xankəndində, Şuşada, Kəlbəcərdə qalaraq Qarabağı qədim erməni torpağı kimi təqdim edib. Jurnalistin hazırladığı materiallar əsasında jurnalın 2018-ci ilin dekabr nömrəsi bütünlüklə Qarabağa həsr edilib.

 

Jurnalda bütün tarixi abidələr saxtalaşdırılıb, Azərbaycan ırazisi olan Qarabağ erməni torpağı kimi təqdim edilib. Jurnalda "qondarma respublika”nın nazirləri müsahibə verib. 

 

Xarici İşlər Nazirliyimiz yəqin ki, Azərbaycanın işğal olunmuş ərazilərinə qanunsuz səfər edən Patrik Buatenin adının "arzuolunmaz şəxslər" siyahısına daxil edilməsinə dair qərar qəbul edəcək.