Sfera.az xəbər verir ki, kanal son nəşr olunan "Ekonomist”in üz qabığında kriptovalyutaların dünyanı necə dəyişəcəyinin rəmzləşdirildiyini bildirib.

"Ekonomist”in sonuncu buraxılışının üz qabığında "Alisa möcüzələr ölkəsində” mövzusu təsvir edilib. Jurnalın üz qabığında isə Alisa və dovşanın yuvası olan çuxura baxdığı əks olunub. Çuxura qaçaraq yaxınlaşan kriptovalyutalar və bir sıra pul vahidləri xüsusi diqqət çəkir. İlk başda kriptovalyutaların çuxura düşməsi onların tədricən sıradan çıxacağı kimi anlaşılsa da, bu heç də belə deyil.

"Alisa möcüzələr ölkəsində” kitabını oxuyanlar və ya filminə baxanlar bilir ki, Alisa dovşanı izləyərək onun yuvasına girir və beləcə bambaşqa bir dünyaya, yəni möcüzələr ölkəsinə daxil olur. Beləliklə, jurnalın üz qabığında insanlığı təmsil edən Alisanın fonunda insanlığın kriptovalyutalar ilə birlikdə yeni bir dünyaya ayaq basacağı mesajı verilir.