No Image
No Image

Mərkəzi Bank valyuta dəyişmə məntəqələrinin açılmasını istəmir – SƏBƏBLƏR

Mərkəzi Bank valyuta dəyişmə məntəqələrinin açılmasını istəmir – SƏBƏBLƏR
Azərbaycanda iki ildən artıqdır ki, valyuta mübadiləsi fəaliyyətinə banklar və "Azərpoçt” MMC ilə yanaşı digər şəxslərin də məşğul olmasına icazə verilsə də, indiyə qədər yalnız bir şəxs bu imkandan faydalanıb. 

Sfera.az Mərkəzi Bankın məlumatına əsasən bildirir ki, 2020-ci ilin sentyabrın 23-də "ELİKO" MMC-yə valyuta mübadiləsi fəaliyyətinə lisenziyası verilib. 

Adıçəkilən qurum Bakı şəhəri, Yasamal rayonu, Hüseyn Cavid prospekti, ev 520-də fəaliyyət göstərir.

Halbuki "Valyuta tənzimi haqqında” Qanuna əsasən istənilən şəxs Mərkəzi Bankdan lisenziya almaqla valyuta mübadiləsi ilə məşğul ola bilər. 

Bəs, Azərbaycanda digər şəxslərin valyuta mübadiləsi fəaliyyətinə maraq göstərməməsinə səbəb nədir?

İqtisadçı-ekspert Xalid Kərimli Sfera.az saytına açıqlamasında bildirdi ki, lisenziya almaq üçün ilk növbədə qanunvericiliyin müəyyənləşdirdiyi tələblərə cavab vermək lazımdır. O xatırlatdı ki, "Valyuta tənzimi haqqında” Qanunda 2018-ci ildən qüvvəyə minən dəyişikliyə əsasən bankların nəzdində olmamaq şərtilə valyuta dəyişmə məntəqələrinin işlənməsinə icazə verilib. Bunun üçün Mərkəzi Bankdan müvafiq lisenziyanın alınması lazımdır. Ekspert söylədi ki, bu məqsədlə lisenziya almaq 2015-ci ildən əvvəlki dövrlə müqayisədə xeyli çətindir: 

"2015-ci ildən əvvəlki dövrdə valyuta dəyişmə məntəqələrinin açılması şərtləri ağır deyildi. Hazırda lisenziya almaq çox çətindir, çünki şərtlər ağırlaşdırılıb. Qanun deyir ki, istənilən şəxs lisenziya ala bilər. Amma bunun üçün təhlükəsizlik şərtlərinə, yerləşmə qaydalarına, uçot-hesabat qaydalarına əməl edilməli, pul saxlamaq üçün xüsusi vasitələri və s. olmalıdır. Eyni zamanda əgər Bakı şəhərində fəaliyyət göstərəcəksə, 50 000  manat və 50 000 ABŞ dolları məbləğində girov qoymalıdır”. 

X.Kərimli hesab edir ki, bu şərtlərə uyğyun gələn sahibkarlar çoxdur. Ancaq Mərkəzi Bank onların hamısına lisenziya vermək istəmir:

"Lisenziyalaşdırma şərtləri ağır olsa da, bu tələblərə cavab verən şəxslər var. Buna baxmayaraq Mərkəzi Bank onlara lisenziya vermir, süni şəkildə qarşısını alır. Burada əsas məqsəd valyuta mübadiləsi əməliyyatlarında nəzarət imkanlarının  mürəkkəbləşməməsidir. 

Əvvəllər valyuta nəzarəti aşağı səviyyədə idi və bu, Mərkəzi Banka müəyyən problemlər yaşatdı. Devalvasiyadan sonra Mərkəzi Bank sərt nəzarət tədbirləri görür. Mərkəzi Bank hesab edir ki, bankların nəzdində olan valyuta dəyişmə məntəqələrinə nəzarət etmək, müstəqil fəaliyyət göstərən məntəqələrdən daha asandır. Buna görə də tələblərə cavab verilməsinə baxmayaraq müxtəlif bəhanələrlə lisenziya verilmir. 

Halbuki, valyuta mübadiləsi fəaliyyəti kifayət qədər rentabelli fəaliyyətdir və bununla məşğul olmaq istəyən sahibkarlar var. Valyuta dəyişmə məntəqələrinin olmaması səbəbindən ölkəmizdə valyuta əməliyyatlarının bir hissəsi "qara bazar”da aparılır. Nağd şəkildə, sənəd vermədən böyük məbləğdə dollar almaq istəyənlər bir qədər yüksək məzənnə ilə "qara bazar”da mübadilə həyata keçirirlər.”

Vasif
Sfera.az

Sehliyali
Turan Bank

OXŞAR XƏBƏRLƏR

Zəngəzur dəhlizinin açılması Naxçıvanın iqtisadi potensialını genişləndirəcək – Millət vəkili

Azərbaycan Prezidenti İlham Əliyev Naxçıvan Muxtar Respublikasına səfəri zamanı Zəngəzur dəhlizinin açılacağını bir daha bəyan edib.   İşğaldan aza...

Azərbaycanın neft gəlirləri niyə artmır? – SƏBƏBLƏR

2021-ci ilin yanvar-aprel ayları ərzində "Azəri-Çıraq-Günəşli” yataqları üzrə gəlirlər 1,437 milyard dollar, "Şahdəniz” üzrə gəlirlər 42,35 milyon dollar təş...

Bakıda inşaat işi ən çox bu rayonlarda həyata keçirilir – STATİSTİKA

2021-ci ilin birinci rübündə Bakıda 1,237 milyard manat dəyərində inşaat işləri həyata keçirilib. Ötən ilin eyni dövrünə nisbətən inşaat işlərinin həcmi 12,8 fa...

Ölkələrin İslam maliyyəsinə marağı artır: Dəyəri 2,5 trilyon dollara çatacaq

İslam maliyyə sektorunun həcmi 2021-ci ildə daha da genişlənəcək. 2020-ci ildə 2,2 trilyon dollar dəyərində qiymətləndirilən İslam maliyyə sektorunun dəyəri bu ...

FED dolları bahalaşdıra bilər – Bu baş verərsə...

ABŞ-da açıqlanan son rəqəmlər ölkədə inflyasiya səviyyəsinin yüksəlişə meyilli olduğunu və bunun FED-in (ABŞ-da mərkəzi bank funksiyasını yerinə yetirir – red.)...

Azərbaycanda avtomobillərin sayı niyə azdır? - ARAŞDIRMA

Azərbaycanda 2000-ci illərin əvvəlindən avtomobillərin sayında nəzərəçarpacaq artım müşahidə edilsə də, hələ də avtomobil sayına görə aşağı göstəriciyə sahib öl...