“Mənim borcumu Manaf niyə ödəməlidir? – “Pişik\" Güneldən açıqlama
16:01 / 01.03.2021
2669
"Banka olan borcuma görə çoxları "narahatdır”,
bunu özlərinə "dərd” ediblər. Sizin başqa dərdiniz, azarınız yoxdur? Bilmədiyiniz
mövzunu müzakirə edirsiniz”.
Sfera.az xəbər verir ki, bunu "pişik" Günel ləqəbi
ilə tanınan ifaçı Günel Ələkbərova deyib. O, kreditlə aldığı evinin ödənişini
edə bilmədiyi üçün bankın mənzilini satışa çıxarması məsələsinə aydınlıq gətirib.
"Çoxları ağızlarına gələni yazırlar. Heçmi
vicdanınız yoxdur? Utanmırsınız? Bilmədən nəyisə necə müzakirə edə bilərsiniz?
Hazırda banka borcum var, amma bir hissəsini özüm ödəmişəm. Amma rahat olun, mənim
əvəzimə heç kim bank borcumu bağlamayıb. Bank borcumu bağlamaq istəyənlər həddindən
artıq çoxdur. Sadəcə olaraq mən istəmirəm. Ondansa, şəhid balalarına, qazilərə
dəstək olsunlar, xəstə uşaqlara kömək etsinlər. Mənim əlim-ayağım var.
Manaf Ağayevə gəldikdə isə məsələ belə olub.
Manaf bəy Tolikə zəng edib ki, Günel pulu götürmür. Sənə verim get banka ödə,
çeki ver. Dedim ki, yox, olmaz. Niyə mənim borcumu Manaf Ağayev ödəməlidir?".
Müğənni qeyd edib ki, ona kömək etmək istəyən
dostları da kifayət qədərdir: "Qəbul etsəm, elə onlardan edərəm. Mənim ev
borcumu bağlayarlar, hətta mənə bir neçə ev də alarlar. Dostlarıma özümə görə
yox, ehtiyacı olanlara görə ağız açıram. Bu barədə danışmırdım. Milyonlarla
insan banklarla eyni problemi yaşayır. Bir ildir iş yoxdur, amma banklar güzəştə
getmir. Günü-gündən faizləri artırır. İnsanlar necə etsinlər?”.
Xatırladaq ki, bir neçə həftə bundan əvvəl müğənni
Manaf Ağayevin ifaçı "pişik Günel” ləqəbi ilə tanınan Günel Ələkbərovanın borcunu ödədiyi
bildirilib. Bu haqda müğənni Afət Fərmanqızı
Dalğa TV-də yayımlanan "Günə bir şou” proqramında məlumat verib. O, deyib
ki, pandemiyada qazancı olmadığına görə
kreditə aldığı evinin aylıq haqqını ödəyə bilməyən Günelə Manaf Ağayev yardım
edib.
Günay
Sfera.az
