"Mən yoldaşımın qeyrətinə inanıram" - Tacirdən Vasifə SƏRT CAVAB - FOTO

Əməkdar artist Vasif Məhərrəmlinin "Hər şey daxil"də etdiyi "Kişinin qadınını göstərməyinə ciddi yanaşmıram. Bu, xarakterə bağlı bir şeydir" açıqlaması növbəti qalmaqalın əsasın qoyub.

Son zamanlar ailəsi ilə efirlərdə tez-tez görünən Tacir Şahmalıoğlu həmkarının bu açıqlamasına sərt reaksiya verib.

Sfera.az xəbər verir ki, milli.az-a danışan Tacir həyat yoldaşı ilə efirə çıxmağının səbəbini belə izah edib:

"Mənim yoldaşım mənsiz efirə çıxmır ki, mənim yanımda çıxır da. Mən onun arxası, dayağıyam. Bizim ailədə etibar, inam var. Mən yoldaşıma inanıram, onun qeyrətinə inanıram. Mən ona inanıramsa, o, efirə çıxdı-çıxmadı, bunun nə dəxli var ki?! Əsas odur ki, ailədə möhkəmliyi qoruyasan. Efirə çıxmaqla, arvadı göstərməklə... O nə deməkdir ki? Çəkiliş üçün ailəmə də gəlirlər, bir dəfə də Zaurun veriişinə gedib çıxmışıq. Çəkilişdir də, orada nə var ki?! Belə, həmişə mənim evimə gəliblər çəkilişə. Mən heç vaxt çəkinməmişəm. Heç vaxt da mən ona pis baxmıram. Mənlə bərabər mənim yoldaşım niyə çəkilməsin ki? Mənim uşağımın anasıdır. Mənim uşağıma sual verirlər. Mənim verdiyim cavab xanımımın cavabı ola bilməz, nədə ki, xanımımın verdiyi cavab mənim cavabım ola bilməz. O, bir ana kimi cavab verir, mən də bir ata kimi cavab verirəm. Amma götürəndə, istəyirəm ki, xalq görsün ki, biz xoşbəxt bir ailəyik. Biz bir-birimizə inanan, aramızda pərdə, bir-birimizə sonsuz sevgimiz. Bunu xalq görəndə nə olur ki, güya?

O Vasif Məhərrəmlinin öz fikridir. Onun şəxsi fikrinə mən qarışa bilmərəm. Amma mən əməlimlə göstərirəm ki, mən elə edirəm. Buna da cavabdehəm. Bundan ötrü də mənə heç vaxt minus "koment" yazılmayıb. Əksinə həmişə yazırlar ki, "Siz kişisiniz", "Belə Azərbaycan kişisi ilə biz fəxr edirik". Əgər mənim yoldaşımla ora çıxmağım bir minusdursa, indi mənə yazılan tənqidi şərhlərin ardı-arası yox idi. Amma hələ xalqdan bununla bağlı bir mənfi şərh görməmişəm. Yazanlar da hamısı deyir ki, "Nə gözəlsiniz, nə qədər yaraşırsınız bir-birinizə", "Allah sizi xoşbəxt eləsin". Hansı telekanal çəkiliş üçün evimə gələndə onları canla-başla qəbul edirəm. Evimdə səmimi söhbət gedəndə yoldaşım da qatılır, qızım da qatılır, oğlum da qatılır. Mən ailəmə bağlı adamam. Mənim ailəm bütövdür. Biz yumruq kimi bir ailəyik. Əgər bir barmaq orada açılarsa, onu kəsib ataram. 

 

Meşə çaqqalsız olmur. Görürsən ki, 20 nəfərin içində bir nəfərin adı pis çıxır. Mən ona şəfa arzulayıram. Ona duaçıyam ki, o da öz yoluna qayıtsın. Heç vaxt kiminsə haqqında haqsız söhbət etməsin".

Qeyd edək ki, Tacir sonuncu dəfə keçən şənbə günü xanımı və övladları ilə birgə "Zaurla Günaydın" proqramının qonağı olmuşdu. 


OXŞAR XƏBƏRLƏR

Təranə Qumralın qızı qısa şortda elə rəqs etdi ki... - VİDEO

Müğənni Təranə Qumralın qızı Qumral yenə də sosial mediadakı paylaşımı ilə diqqət çəkib. Sfera.az xəbər verir ki, Qumral instaqram hesabında rəqsini paylaşıb. ...

Oksana Rəsulovanın koronavirusla bağlı səs yazısı yayıldı - VİDEO

"Ehtiyac yaranarsa, könüllü həkim kimi virusla mübarizəyə qoşularam".  Sfera.az Redaktor.az-a istinadla xəbər verir ki, bu sözləri rəqqasə, aktr...

Murad Dadaşov onu da Xəzər TV-yə gətirdi

 "Xəzər" televiziyası tamaşaçıya yaxın günlərdə yeni layihə təqdim edəcək. Sfera.az bildirir ki, sözügedən telekanalın rəhbəri Murad Dadaşov türkiyəl...

Nazəninə AĞIR İTKİ

Tanınmış müğənni Nazəninə ağır itki üz verib. Sfera.az xəbər verir ki, bu gün sənətçinin qardaşı dünyasını dəyişib: "Daha bir qardaşımı itirdim”. ...

“Səndən sonra heç vaxt evlənməyəcəm” — Xərçəngdən əziyyət çəkən aktrisadan kədərli ETİRAF

Əməkdar artist Tünzalə Əliyeva əziyyət çəkdiyi xərçəng xəstəliyindən danışarkən göz yaşlarını saxlaya bilməyib. Sfera.az xəbər verir ki, o, bu barədə ARB...

"Həyat yoldaşım hansısa qadınla yatacaqsa..." - Nura Surinin bu açıqlaması aranı qatdı

Tanınmış müğənni Nura Surinin xəyanətlə bağlı açıqlaması sosial şəbəkələrdə birmənalı qarşılanmayıb və müzakirələrə səbəb olub. Sfera.az xəbər verir ki, k...