Məktəblərdə şagird özbaşınalığı artır – Hansı cəzalar veriləcək?

Məktəblərdə şagird özbaşınalığı artır – Hansı cəzalar veriləcək?
Son zamanlar məktəblərdə şagirdlərin özbaşınalığı məsələsi müzakirə obyektinə çevrilib. Müəllimlərin belə öhdəsindən gələ bilmədiyi uşaqların olduğu danılmaz faktdır. Elə ötən gün 282 saylı məktəbə bıçaq gətirib hamını hədələyən, müəllimləri söyən şagirdlə bağlı məlumat yayıldı. 
 
Maraqlıdır, bu hallarla bağlı qanunvericilikdə ciddi tədbirlərə ehtiyac varmı? 

Təhsil eksperti Kamran Əsədov mövzu ilə bağlı Sfera.az-a açıqlamasında deyib ki, aqressiya ailədən qaynaqlanır və orta məktəbdə inkişaf edir:

"Son dövrlərdə ali məktəblərə qəbul, buraxılış imtahanlarındakı uğursuzluqlar bilavasitə cəmiyyətin müəllimə, məktəbə, təhsilə münasibətini dəyişir. Müəllimlərin repetitor kimi pul yığması, bəzi məktəblərdə idarəetmədəki boşluqlar təhsil üçün ciddi problemlər yaradıb. İbtidai və orta məktəblərdə, xüsusən də yuxarı siniflərdə şagird nizam-intizamına nəzarət və sağlam mənəvi mühitin yaradılması olduqca çətindir. Aydındır ki, bütün dünya bu problemdən əziyyət çəkir. Əksər ölkələrdə məktəbdə aqressiya ilə mübarizə üçün xüsusi proqramlar tərtib olunur, pedaqoji heyətə hərtərəfli təlim keçirilir, məktəblərdə psixoloq işi və sosial iş təşviq olunur. Azərbaycanda da bu mövzu günü-gündən aktuallaşır. Heç bir direktor və ya müəllimin həddini aşaraq şagirdi şəxsi və ailə vəziyyətinə görə mühakimə etmək, alçaltmaq, köməkdən məhrum etmək və məktəbi meşə qanunları ilə idarə etmək hüququ ola bilməz. Belə bir məsələdə  hüquqi bazanın zəif olması bəhanəsinin arxasında gizlənmək vicdansızlıqdan başqa bir şey deyil”.

Müsahibimizin sözlərinə görə, son günlər məktəblərdə baş verən hadisələri təhlil edəndə qaydaları pozanın, sinifdə zorakılıq edənlərin adətən oğlanlar olduğu görülür:

"Amma onlara hansısa sərt cəza vermək mümkün deyil, buna bizim humanist təhsil sistemimiz icazə vermir. İdarə olunmayan şagirdi psixoloqa göndərmək də qeyri-mümkündür, çünki bunun üçün mütləq valideynlərin razılığı lazımdır. Lakin onlar bunu vermirlər, düşünürlər ki, gözəl övladları var. Normal uşaqlar problemli uşaqların girovuna çevrilirlər. Buraxılış sinfinə kimi kobudluğa dözməli olan və uşağı sinifdən qovmağa belə haqqı olmayan müəllimi demirəm, çünki "harda əyləşəcəyini bilir”. Belə çıxır ki, zorbanın "həyatı və sağlamlığı” müəllimin və ya sinif yoldaşlarının həyatı və sağlamlığından daha vacibdir. Əgər normal tədris mühiti pozulursa, buna görə mütləq cəzalar olmalıdır. Mövcud fakt məktəbdə idarəetmənin normal olmadığını, şagirdlərlə işin düzgün qurulmadığını göstərir”.

Günay Rəsulqızı
Sfera.az

Sehliyali
Turan Bank

OXŞAR XƏBƏRLƏR

Şagirdlərin məktəblərdə nizam-intizamı pozmalarının qarşısı necə alına bilər? - Ekspertdən TƏKLİFLƏR

"Hər bir məktəbdə çətin tərbiyə olunan şagirdlər var. Bu tip hallar mütəmadi olduğundan, həmin şagirdlər xüsusi məktəblərdə təhsil almalıdırlar”.   Bunu ...

Buraxılış imtahanlarının vaxtı məlum oldu - RƏSMİ

Dövlət İmtahan Mərkəzi tam (11 illik) və ümumi (9 illik) orta təhsil səviyyəsi üzrə buraxılış imtahanlarının vaxtını açıqlayıb. Sfera.az  xəbər verir...

Müzakirələrə səbəb olan imtahan qrafikləri təsdiqlənəcək? - AÇIQLAMA

Tam (11 illik) orta təhsil səviyyəsi üzrə buraxılış imtahanları mart, ümumi (9 illik) orta təhsil səviyyəsi üzrə buraxılış imtahanları isə aprel ayı ərzində keç...

Bilik verməli olan məktəblər niyə skandallarla gündəmə gəlir? - AÇIQLAMA

Ötən gün paytaxt məktəblərinin birində şagirdin döyülmə xəbəri sosial mediada müzakirə obyektinə çevrilib. Kimi bunu tənqid etsə də, kimi vaxtikən məktəbdə çox ...

Qış tətilinin vaxtı AÇIQLANDI

Təhsil Nazirliyi məktəblilərin qış tətilinin günlərini açıqlayıb. Sfera.az bildirir ki, nazirlikdən "Report”un sorğusuna cavab olaraq bildirilib ki, Əmək ...

Emin Əmrullayev müzakirələrə səbəb olan çıxışından DANIŞDI

Təhsil naziri Emin Əmrullayev son brifinqdən sonra məktəblərdə pul yığılması məsələsi ətrafında cəmiyyətdə yaranan müzakirələrə münasibət bildirib. Sfera....