Avtoxuliqanlıq görüntülərini sosial şəbəkədə yayan sürücülər cəzalandırıldılar - FOTO
Nərimanov rayonunda avtoxuliqanlıq edərək görüntüləri sosial şəbəkələrdə paylaşan sürücülər müəyyən ediliblər.
Bu barədə Sfera.az-a DİN-nin mətbuat xidmətindən məlumat verilib.
Bildirilib ki, gecə saatlarında təhlükəsizlik qaydalarına əməl etməyərək yüksək sürətlə motosiklet idarə edən Tural Əkbərov və idarə etdiyi avtomobillə avtoxuliqanlıq hərəkətlərinə yol verən Nicat Şamıyev müəyyən olunublar.
“Hər iki şəxs barəsində inzibati protokol tərtib edilib. Məhkəmənin qərarı ilə Tural Əkbərovun sürücülük hüqüqu 6 ay, Nicat Şamıyevin isə 1 il müddətinə məhdudlaşdırılıb”.
Məlumata görə, şöbə əməkdaşlarının həyata keçirdikləri digər tədbirlərlə avtoxuliqanlıq edərək həmin görüntüləri lentə alan və sosial şəbəkələrdə paylaşan Elmir Qarayev, eləcə də Elşən Mirzəyev müəyyən ediliblər: “Bu sürücülər barəsində də inzibati protokollar tərtib olunub. Məhkəmənin qərarı ilə Elmir Qarayev və Elşən Mirzəyevin sürücülük hüqüqu 1 il müddətinə məhdudlaşırılmaqla cərimə ediliblər”.
Günay
