Maraqlıdır, tərəflər arasında gərginlik böyüyə bilərmi? Proseslərin sonu nə vəd edir?

Mövzu ilə bağlı Sfera.az-a danışan beynəlxalq məsələlər üzrə siyasi şərhçi Əziz Əlibəyli Türkiyənin iradəsi olmadan heç bir ölkənin NATO-ya daxil ola bilməyəcəyini deyib:

"Türkiyənin tələbləri yerinə yetirilməlidir. Yetirilməsə və Türkiyə veto qoysa, bu dövlətlər NATO-ya qəbul edilə bilməz. NATO nizamnaməsinin 11-ci maddəsində göstərilib ki, ölkələr üzv olduqdan 20 il müddətinə könüllü şəkildə təşkilatı tərk edə bilərlər. Heç bir halda tərk etmə iradə olmadan mümkün deyil. Tarix ərzində Fransanın birlikdən çıxmağı da öz istəyi ilə baş vermişdi. Bu da Fransanın siyasi maraqları ilə NATO-nun maraqlarının üst-üstə düşməməsi ilə əlaqədar idi. Finlandiya və İsveçin timsalında türk şirkətlərinin boykot edilməsi və sanksiyalar ola bilər. Lakin bunun alternativi yoxdur. Rusiya təzyiqi artırdıqca onlar məcbur olacaq ki, PKK təşkilatı ilə bağlı addım atsınlar. Ən azından Türkiyəyə qarşı ABŞ-ın, Qərbin sanksiyaları götürülməlidir. Bütün bunların hamısı baş verməsə, demək ki, NATO daxilində çox ciddi Türkiyə fırtınası var və iki ölkənin təşkilata daxil olması mümkün olmayacaq. Ona görə də ortaq bir qərarın ortaya çıxması üçün tərəflərin güzəştə getməsi lazımdır”. 

 

"Problemlər və fikir ayrılıqları ölkələr arasında qarşıdurmaya gətirib çıxarmayacaq. İndiki dilemmatik vəziyyətdə Rusiya Türkiyə İqtisadi Şurasının iclası keçirilir, "Mir” ödəmə kartlarına Türkiyə də qoşulur. Beləliklə, Türkiyənin Rusiyanın daxili bazarındakı payı və gücü artacaq. Türkiyənin iki cəbhə istiqamətində oynaya bilmə imkanları genişlənməkdədir. Ona görə güzəştə gedəcək tərəf NATO üzvləri və üzvlüyə çalışan Finlandiya və İsveçdir”.