Rus turistlərin Türkiyədə daha çox getdiyi hotellər – Adlar və qiymətlər AÇIQLANDI
Media
13:56 / 14.04.2022
1045
Aprel ayında rusiyalı turistlər üçün Türkiyədə ən əlverişli, ucuz beşulduzlu otellərin adları açıqlanıb.
Xatırladaq ki, Türkiyə hökuməti rusları cəlb etmək üçün 3 mərhələdən ibarət "yol xəritəsi” qəbul edib. Plana əsasən, Rusiyada fəaliyyət göstərən türk tur operatorlarına rusiyalı turistlərin Türkiyə kurortlarına daşınması üçün ümumi məbləği 300 milyon dollar məbləğində kredit ayrılacaq.
Vasif
Sfera.az "Lenta.ru”ya istinadən xəbər verir ki, turoperatorların məlumatına əsasən rusiyalılar arasında daha çox tələb Antalyada yerləşən və premium seqmentinə aid olan "Club Hotel Sera”dır. Moskvadan təyyarə bileti də daxil olmaqla 2 nəfərin bu otelə gəlib, gündə 3 dəfə yeməklə bir həftə qalıb standart xidmətlərdən istifadə etməsi 2 037 dollara (3 463 manat) başa gəlir.
Rusiyalı turistlərin müraciət etdiyi ikinci hotel Belekdə (Antalyada qəsəbə) yerləşən "Alva Donna Exclusive Hotel & Spa”dır. Burada bir həftə ərzində iki nəfərlik istirahət göndərişi 2 470 dollar (4 200 manat) təşkil edir.
Belekdəki "Port Nature Luxury Resort Hotel & Spa” rus turistlərin daha çox tələb etdiyi hotellər sırasında 3-cü yerdədir. Burada iki nəfərin yeddigünlük istirahət xərcləri 2 222 dollardan (3 777 manat) başlayır.
Məşhurluğuna görə növbəti yerdə yenə də Belek qəsəbəsində olan hoteldir. Hotelin adı "Bellis Deluxe”dir. Burada həftəlik istirahətin qiyməti 2 407 dollardır (4 092 manat).
Adıçəkilən hotellərlə bərabər rus turistlərin Side antik şəhərində olan "Bosphorus Sorgun Hotel” (1 865 dollar), Antalyadakı "Justiniano Club Park Conti” (1 728 dollar) və "Akka Antedon” (2 160 dollar) hotellərinə tələbi böyükdür.
Vasif
