Mayın 8-də Şuşada parad keçirilməsi təklif olundu – “Təcili olaraq Türkiyə ilə...”
10:42 / 21.04.2021
2386
"Rusiya sülhməramlılarının bəzi sürprizlərinə
səbr və təmkinlə, eyni zamanda adekvat addımlarla cavab verməliyik”.
Sfera.az-ın məlumatına görə, bunu Milli Məclisin
deputatı Fazil Mustafa deyib. Millət vəkili qeyd edib ki, Xankəndində parad keçirmək
onlarının tərəfsizliyi pozması aktıdır və bu, bizim gələcəkdə verəcəyimiz qərarlarda
bir fakt olaraq diqqətə alınacaq:
"Burada atacağımız ən real addım 8 may
tarixində Şuşada Türkiyə hərbi birləşmələri ilə birlikdə erməni faşizmi üzərində
qələbə paradı keçirməkdir. Bu tarix Şuşanın ermənilər tərəfindən işğalı günüdür
və keçirilən parad işğala son qoyulmasının bir nümayişi olacaq.
Bunun tarixi anologiyası da var. Bilindiyi
kimi 1918-ci ilin oktyabr ayının 2-də Albay Cahid bəyin komandanlığı altında Azərbaycan
ordusu Qafqaz İslam Ordusu ilə birlikdə məhz Şuşada erməni faşizmi üzərində
qazanılan qələbəni qeyd etmək üçün möhtəşəm bir parad keçirib. Təcili olaraq Türkiyə
ilə bu tədbirin hazırlıq planını tərtib etməliyik”.
"Bütün hallarda Rusiya sülhməramlılarının bölgədə
öz funksiyasından uzaqlaşmasına qarşı rəsmi etirazımızı bildirməliyik”.
Günay