Sfera.az bildirir ki, eyni zamanda daxili xəstəliklər uzmanı olan Dr. Adıgüzel bu barədə "Sözcü" qəzetinə danışıb. 

O, Türkiyədə 20 günlük tam qapanmanın şərt olduğunu bildirib:

"Gündə mindən çox ölüm martın əvvəlinə qədər davam edərsə, bu 100 gündə 100 mindən çox insanı itirmək deməkdir. Hazırkı vəziyyətdə 20 günlük tam qapanma şərtdir. Pandemiyanın ən pis günlərini yaşayırıq. ÜST üçüncü dalğanın gələcəyini deyir. Görünür, martın əvvəlinə qədər daha çətin bir mərhələdən keçəcəyik".

Xatırladaq ki, M.Adıgüzel daha öncə koronavirus pandemiyası səbəbilə Türkiyənin təkcə İstanbul, İzmir və Ankara şəhərlərində vəfat edənlərin sayının 16 min 610 nəfər olduğunu açıqlayaraq müzakirələrə səbəb olmuşdu.