Sfera.az xəbər verir ki, Marsdakı araşdırmalarına davam edən NASA-nın yayımladığı fotoşəkildə planetdəki buzlu qum təpələri aydın görünür.

Buzlu təpələrin sahəsi Marsın şimal düzənliklərinin yüksək enliklərində 5 kilometr ərazini əhatə edir. 

Şəkildə yer alan digər cizgilərin isə mövsümi səbəblərdən dolayı olduğu bildirilib. Fevral ayında kosmik gəmidə xüsusi kamera ilə çəkilən fotoşəkildə buzların əriməsi nəticəsində əmələ gələn formalar da göstərilir. 

Qeyd edək ki, NASA "Perseverans” aparatını ötən il iyunun 30-da Marsa yollayıb. Aparat 7 ay müddətinə 470 milyon kilometrlik məsafəni qət etdikdən sonra 2021-ci il fevralın 20-də Marsa enib. 

Bütün bu prosseslər üçün 3 milyard dollara yaxın vəsait xərcləndiyi bildirilir. "Perseverans”ın 2 il Marsda qalacağı planlaşdırılır.