"Zaman ayna"sı kəşf edilib - Keçmişə dönmək mümkün olacaq

ABŞ-da fəaliyyət göstərən "City University of New York"un (CUNY) Tətbiqi Elmlər Tədqiqat Mərkəzində fiziklər elmin sərhədlərini zorlayan inanılmaz bir kəşfə imza atıblar. Onlar “zaman aynası” adlandırılan və elektromaqnit dalğalarının zamanla tərsinə çevrilməsini mümkün edən bir fenomeni laboratoriya şəraitində reallaşdırıblar.

Sfera.az xəbər verir ki, bu texnologiya sayəsində, dalğalar sanki zamanla geri qayıdır və keçmişə doğru yönəlir.

Alimlər bunu yüksək enerjili lazer və xüsusi materiallardan istifadə edərək əldə ediblər. Tədqiqatın müəllifləri bildirir ki, bu kəşf informasiya ötürülməsi, kvant kompüterləri və optik texnologiyalar üçün inqilabi nəticələrə yol aça bilər.

Tədqiqatçılardan biri, fizik Andrea Alü bu haqda qeyd edib ki, zamanla səyahət olmasa da, biz informasiya daşıyan siqnalları zaman üzrə tərsinə yönəldə bilirik: "Bu, gələcəkdə müdaxilə olunmayan və sürətli məlumat ötürmənin yolunu aça bilər". 

Bəzi alimlər bu texnologiyanın müdafiə sənayesində, kvant rabitəsində və gələcəyin informasiya təhlükəsizliyi sistemlərində əsas rol oynaya biləcəyini düşünür.

Bu kəşf sübut edir ki, zaman sadəcə irəli axan bir axın deyil, exnologiya ilə onu “əks etdirmək” də mümkündür.

Fidan Hacızadə
Sfera.az