Eyfel qülləsindən atlayan dərzinin faciəli hekayəsi - Frans Reyxelt KİMDİR?

Hər birimizin içində xəyallarımızı gerçəkləşdirmək arzusu var. Ancaq bu arzunun arxasınca getmək bəzən gözlənilməz nəticələr verə bilər. Franz Reyxelt adi dərzilikdən daha çox şey əldə etməyi qarşısına məqsəd qoymuşdu. Onun hekayəsi yenilik və cəsarətin sərhədlərini aşmaq nümunəsi kimi yadda qalıb.

Bəs, tarixə “uçan dərzi” kimi düşmüş bu adın hansı arzusu var idi?

Sfera.az bu yazıda sizə arzusunu həyata keçirmək üçün Eyfel qülləsindən atlayan Frans Reyxeltin həyat hekayəsini təqdim edir. 

Frans Reyxelt 1898-ci ildə Avstriyadan Parisə köçəndə uğurlu dərzi idi. Lakin onun kostyum dizaynından daha böyük: aviatorların təhlükəsiz yerə enməsinə imkan verəcək paraşüt kostyumu yaratmaq ideyası var idi

O dövrdə 1903-cü ildə Rayt qardaşlarının uçuşundan başlayaraq aviasiya dünyası sürətlə inkişaf edirdi. Ancaq bu sürətli inkişaf faciəli qəzaları da özü ilə gətirdi. Frans Reyxelt bu qəzalara çarə tapmaqda qərarlı idi.

Onun məqsədi paraşütü birbaşa geyim dizaynına inteqrasiya etməklə həm yüngül, həm də faydalı bir həll yolu təklif etmək idi.

Reyxelt 1910-cu ildə ilk prototiplərini sınaqdan keçirməyə başladı. Əvvəlcə ümidverici nəticələr verdi: onun çəkilərlə apardığı bəzi təcrübələr uğurlu oldu. Lakin sonrakı sınaqlarda onun dükanının damından atılan kuklalar yerə çırpılıb.

Fransın Aeronavtika Klubuna təqdim etdiyi dizayn: "Cihazınızın səth sahəsi çox qeyri-kafidir, boynunuzu qıracaqsınız” şərhi ilə rədd edilib. Bununla belə, Reyxelt təcrübələrindən əl çəkmir və hesab edirdi ki, problemlərin həlli sadəcə olaraq daha yüksək məsafədən tullanmaqdır.

1912-ci ilin soyuq fevral səhəri Reyxelt ixtirasını dünyaya sübut etmək üçün Eyfel qülləsinin birinci mərtəbəsindən atılacağını bildirdi. Səlahiyyətlilər onun dummy ilə sınaq keçirəcəyi ehtimalına görə icazə vermişdilər.

Lakin Reyxeltin başqa bir planı var idi: özü atlayacaqdı.

Həmin gün 30-a yaxın jurnalist və tamaşaçı Reyxeltin çıxışını izləmək üçün qülləyə toplaşmışdı. Bütün xəbərdarlıqlara baxmayaraq, Reyxelt öz dizaynına inamla Eyfel qülləsinin məhəccərlərinə dırmaşdı. Qısa bir tərəddüddən sonra tullandı... kostyumunun paraşütü açılmadı.

Reyxeltin paraşütü havada büküldü və onu güllə kimi yerə çırpmağa məhkum etdi. Zərbə anı o dövrün kameralarına düşüb və ertəsi gün qəzetlərdə böyük əks-səda doğurub.

Franz Reyxeltin faciəsi bu gün tez-tez ixtiraçıların özbaşınalığı haqqında xəbərdarlıq nağılı kimi danışılır. O, "Uçan dərzi" ləqəbini aldı və Darvin Mükafatları kimi yumoristik uğursuzluq kitablarında adı çəkildi.

Aysel