Los-Ancelesdə mülkləri olan məşhurlar - SİYAHI
ABŞ-nin Kaliforniya ştatında son illərin ən böyük yanğın hadisəsi baş verir. Los-Ancelesdə güclü küləyin təsiri ilə yayılan meşə yanğını nəticəsində həyatını itirənlərin sayı10-a yüksəlib.
Sfera.az xəbər verir ki, fövqəladə vəziyyət elan edilən, məktəblərin bağlandığı, on minlərlə yaşayış məntəqəsinin işıqsız qaldığı bölgədə 130 min insan üçün təxliyə əmri verilib. Prezident Co Baydenin İtaliyanın paytaxtı Romaya səfəri də 52 ilə 57 milyard dollar arasında iqtisadi itkiyə səbəb olacağı təxmin edilən yanğın səbəbindən ləğv edilib.
Bir çox ev və iş yerini külə çevirən yanğın Hollivuda da sirayət edib. Şəhərin dəbdəbəli məhəllələrində Paris Hilton kimi dünyaca məşhur adların mülkləri bir-bir külə dönüb. Türklərin çox olduğu Los-Ancelesdə Türkiyənin qabaqcıl iş adamlarının və sənətçilərinin evləri də yanğının qurbanı olub.
Los-Ancelesdə mülkləri olan məşhurları təqdim edirik:
Kenan İmirzalıoğlu
Məşhur ad 2015-ci ildə həyat yoldaşı Sinem Kobal ilə Los-Ancelesdə ev alıb. Bildirilir ki, cütlük işlərinin çoxluğu səbəbindən evə tez-tez baş çəkə bilməyib və dostlarına verib.
Ali Koç
Fənərbaxça İdman Klubunun prezidenti və Koç Holdinq İdarə Heyətinin üzvü Ali Koç 2020-ci ilin noyabr ayında 14,5 milyon dollar ödəyərək şəhərin ən gözəl yerində super lüks malikanə alıb.
Çağatay Ulusoy
2020-ci ildə Los-Ancelesdə restoran açan Ulusoy həmin bölgədən ev də aldığı məlum olub.
Serenay Sarıkaya
Serenay Sarıkaya 2018-ci ildə sevgilisi Kerem Bürsinlə birlikdə olarkən Los-Ancelesdə 3 mənzil alıb. Gözəl aktrisa sözügedən mənzil üçün 500 min dollardan çox pul ödəyib.
Tolgahan Sayışman
Tolgahan Sayışman 2015-ci ildə Los-Anceles Hermosa Beach-də ev alıb. Məşhur aktyor dövrün məzənnəsinə uyğun olaraq evə 430 min dollar ödəyib.
Kenan Doğulu-Beren Saat
2014-cü ildə ailə quran Beren Saat - Kenan Doğulu cütlüyü 2018-ci ildə 1 milyon 200 min dollar ödəyərək Los-Ancelesdə ev alıb.
2016-cı ildə ailəsi ilə birlikdə Los-Ancelesə köçən "Fənərbaxça"nın əfsanəvi prezidenti Ali Şenin oğlu Adnan Şen qardaşı Metin Şen ilə birlikdə qısa zamanda şəhərin ən böyük podratçılardan birinə çevrilib.
