Aktyor Kolin Farrel nadir nevroloji xəstəlik olan Angelman (inkişaf pozğunluğu, nitq ləngiməsi və əqli gerilik) sindromundan əziyyət çəkən 20 yaşlı oğlundan danışıb.

Sfera.az xəbər verir ki, o, bu barədə “People” jurnalına verdiyi müsahibədə söhbət açıb. Aktyor zehni geriliyi olan insanlara dəstək olmaq üçün fond təsis etdiyini bildirib.

Aktyorun sözlərinə görə, bu diaqnoz Ceymsə iki yaş yarım ikən qoyulub. O, qeyd edib ki, uşağa əvvəlcə səhvən serebral iflic diaqnozu qoyulub və bu, bir çox cəhətdən Angelman sindromuna bənzəyir.

Sənətçi xoşbəxtlikdən övladının 10 ildir tutmasının olmadığını bildirib. 

Qeyd edək ki, aktyorun Henri adlı daha bir övladı var.