Mahir Qurbanov: \"Azərbaycan regionda güclü potensiala sahib olan ölkədir\"
17:09 / 10.06.2021
1735
"Azərbaycan regionda güclü potensiala sahib olan ölkədir".
Bunu Sfera.az-a Qafqaz-İberoamerika Düşüncə Mərkəzinin sədri Mahir Qurbanov bildirib.
O bildirib ki, burada bütövlükdə regionun təhlükəsizliyi məsələsi önəm daşıyır, çünki bütün iqtisadi maraqlar Azərbaycanın ərazisində kəsişir:
"Xəzərətrafı ölkələr içərisində ən əhəmiyyətli geosiyasi, geoiqtisadi və hərbi-geostrateji mövqe də məhz Azərbaycana məxsusdur. Geoiqtisadi dəyərinə görə Prezident Heydər Əliyevin 1994-cü ildə əsasını qoyduğu yeni neft strategiyası və transmilli enerji-nəqliyyat-kommunikasiya layihələrinin həyata keçirilməsi Azərbaycanı dünyanın aparıcı dövlətləri və şirkətləri üçün cəlbedici tərəfdaşa çevirmişdir. Bu siyasət Prezident İlham Əliyev tərəfindən uğurla həyata keçirilir.
Həmçinin, logistikanın inkişafı Azərbaycanın nüfuzunu daha da artıracaq. İşğaldan azad edilən Qarabağ regionunun coğrafi mövqeyi, ərazidən Avropaya və Asiyaya çıxış imkanlarının artması isə Azərbaycanın beynəlxalq nəqliyyat-kommunikasiya və dəhliz layihələrində bundan sonra daha fəal iştirakını gücləndirəcək".