Maddi maraq qarşılığında dövlət mükafatı, brend mağazalar, işdən uzaqlaşdırma - Deputatlığa namizədin şübhəli keçmişi
Yeni Azərbaycan Pariyasının (YAP) 2020-ci il fevralın 9-da keçiriləcək növbədənkənar parlament seçkilərinə təqdim etdiyi namizədlər siyasında diqqətçəkən dairələrdən biri də 64 saylı Sabirabad ikinci seçki dairəsidir. İqtidar partiyası bu dairədən Diasporla İş üzrə Dövlət Komitəsinin sədr müavini Ramin Məmmədovun namizədliyini irəli sürüb.
Sfera.az xəbər verir ki, Ramin Məmmədov siyasi çevrələrdə Diasporla İş üzrə Dövlət Komitəsinin keçmiş sədri Nazim İbrahimovun kadrı kimi tanınır.
Medianın monitorinqi göstərir ki, Ramin Məmmədovun adı indiyədək bir sıra qalmaqallı hadisələrdə hallanıb, ünvanına bir sıra ağır ittihamlar səsləndirilib.
Məsələn, Veteninfo.az saytı yazıb ki, R.Məmmədovun adı bir sıra layiq olmayan şəxsləri maddi maraq qarşılığında dövlət mükafatlarına salmaqda hallanır.
Gundeminfo.az saytının iddiasına görə isə Ramin Məmmədovun Bakıda və müxtəlif Avropa ölkələrində müxtəlif mağazaları fəaliyyət göstərir. Say haqlı olaraq sual edir ki, görəsən dövlət qulluqçusu kimi aylıq əməkhaqqısı bəlli olan biri necə və hansı vəsaitlərlə belə brend mağazalara sahib olub?
Bizimxeber.az saytının iddiasına görə isə, Ramin Məmmədov Avropa və Asiya ölkələrində diaspora işinin təşkili ilə məşğul olmaq əvəzinə, öz maraqlarına xidmət edib.
Ramin Məmmədovla bağlı mediada son yayılan xəbər isə onun Diasporla İş üzrə Dövlət Komitəsinin sədr müavini olmasına baxmayaraq, qeyri-rəsmi formada vəzifəsindən uzaqlaşdırılması ilə bağlıdır. R.Məmmədov komitəyə yeni rəhbərlik təyin edildikdən sonra demək olar ki, heç bir tədbir, görüş və iclasda görünməyib. (editor.az)