"Luna" Dubayı tərk etdi: 115 metrlik superyaxtaya yaxından baxış - FOTOLAR

Son bir neçə ildir, mübahisəli boşanma davasına görə, Dubay limanında dayanan, azərbaycanlı milyarder Fərhad Əhmədova məxsus 115 metrlik "Luna” superyaxtası nəhayət Dubayı tərk edib.
 
Sfera.az bildirir ki, bu barədə "Superyacht Times” məlumat yayıb. Qeyd edilib ki, yaxta oktyabrın 11-də yola düşüb və hazırda Süveyş kanalından keçərək Aralıq dənizinə doğru irəliləyir.

"Luna” 2010-cu ildə Almaniyanın məşhur gəmiqayırma şirkəti "Lloyd Werft” tərəfindən hazırlanıb.  Yaxtanın möhtəşəm xarici görkəmini alman dizayn studiyası "New Cruise” öhdəsinə götürüb. "Luna”nın  klassik göy gövdə və su xəttində qırmızı zolağı ilə vurğulanan ağ bir quruluşu var. 20 metrlik dirəyi olan, beş göyərtəli yaxta 5.655 GT-lik böyük daxili həcmə malikdir. Kəşfiyyatçı üslublu superyaxta, uzun mənzilli avtonom seyr etməyə imkan verən ən son naviqasiya avadanlığı ilə təchiz edilib. İki helikopter meydançası və yeddidən çox tender ilə  "Luna”  dünyanın ən ucqar yerlərini araşdırmaq üçün lazım olan hər şeyə malikdir.

2016-cı ildə o, 14 ay davam edən və 50 milyon dollara başa gələn ciddi təmirdən keçərək yeni rənglənmiş korpus, xarici mebel, yeni buxar otağı, sauna və s. ilə təchiz edilib. Eyni zamanda yaxtada yerləşən çimərlik klubu da təkmilləşdirilib. Daxili və xarici məkanları ayıran sürüşmə şüşə qapılı "Luna”nın üç istiqamətə açılan terrasları isə qonaqlara üzmək, günəş vannası almaq və ya istirahət etmək üçün geniş şərait yaradır. Əsas göyərtənin üstündəki göyərtədə, yaxtanın günəş vannası qəbul etmək üçün yastıqlarla əhatə olunmuş, mükəmməl, böyük bir hovuzu var. Hovuzun arxa tərəfində istirahət otağı və açıq hava yemək sahəsi olan kölgəli bir örtük mövcuddur. 

"Luna”nın əsas salonuna bitişik, şüşə qapılardan daxil olmağa imkan verən açıq hava salonu da görənləri heyrətləndirir. Superyaxtanın sahibi elə adına uyğun olaraq, göyərtə sahələrinə "ay divarları" da əlavə etdirib. Tünd mavi divarlar yaxtada fon rolunu oynayır. "Luna”nın daxili orijinal interyeri isə "Donald Starkey Designs” tərəfindən hazırlanıb. Sözügedən geniş təmir zamanı sahibi yaxtanın ümumi daxili estetikasını qoruyub saxlasa da, əksər mebellərini, divarlarını və s. yeniləyib. 

Yaxtanın daxilində qonaqların rahatlğını təmin etmək üçün çoxlu istirahət otağı və əyləncə sahələri yerləşir. 18 nəfərə qədər qonağı qəbul edə bilən "Luna”nın master otağı onun diqqətçəkən yerlərindən biridir. Superyaxtanın günəş vannası qəbul etmək və ya sadəcə mənzərəni seyr etmək üçün xüsusi bir göyərtəyə çıxışı var. "Luna” həmçinin beş MTU 16V 4000 M40B dizel mühərriki ilə təchiz olunub ki, bu da onu 22,5 düyün maksimum sürətə və 16 knot kruiz sürətinə çatdırır.

Türkan
Sfera.az
Sehliyali
Turan Bank

OXŞAR XƏBƏRLƏR

Turistlərin açıq havada cinsi əlaqə üçün axın etdiyi ada yox olmağa üz tutub: Yerli əhali hərəkətə keçdi - FOTO

İspaniyanın Böyük Kanar adasında yerləşən "Las Dunas De Maspalomas” adlı bölgə ilə bağlı maraqlı araşdırma aparılıb.    Sfera.az-ın məlumatına görə,...

Qar yağdı, 61 nəfər barda köməksiz vəziyyətdə qaldı - 3 gün keçib və heç kim evə getmək istəmir...

İngiltərədə 61 nəfər 3 gün boyunca barda köməksiz halda qalıb.  Sfera.az bildirir ki, buna səbəb ötən həftə müşahidə edilən hava durumu olub. Belə ki...

Türkmənistan prezidentinin xanımının ilk dəfə görüntüsü yayıldı - FOTO

Türkmənistanın paytaxtı Aşqabadda 28-29 noyabr tarixlərində keçirilən İqtisadi Əməkdaşlıq Təşkilatının XV Zirvə görüşü çərçivəsində maraqlı hadisə baş verib. ...

Ayının hücumundan sağ çıxan kişi məktub sayəsində 20 gün sonra tapıldı - FOTO

Rusiyanın Krasnoyarsk diyarında 58 yaşlı kişi ayının hücumundan sağ çıxıb, səkkiz kilometr tayqada sürünüb və yazdığı məktub sayəsində üç həftədən sonra xilas e...

Britaniyalı alimlər kosmosdan çəkilən FOTONUN İZİNƏ DÜŞÜB SALYANA GƏLDİ - FOTO

Azərbaycanda səfərdə olan Böyük Britaniyanın Oksford Universitetinin nümayəndələri – professor Riçhard Voalker və universitetin əməkdaşı İan Pierce Salyan rayon...

Cahangir Əsgərov Ərdoğana bığla bağlı verdiyi sözü tutdu - FOTO + VİDEO

AZAL prezidenti Cahangir Əsgərovun yeni imici sosial şəbəkələrdə müzakirələrə səbəb olub. Sfera.az xəbər verir ki, bir müddət öncə Füzuli aeroportunun açı...