Ölüm anını “Facebook”un canlı yayımında 4000 adam izlədi - FOTO + VİDEO
23:45 / 08.05.2020
7720
21 yaşlı gənc "Facebook”da canlı yayım edərkən polislər tərəfindən öldürülüb.
Sfera.az xarici mətbuata istinadən xəbər verir ki, dəhşətli hadisə ABŞ-ın İndlianapolis şəhərində baş verib.
Məlumata görə, polislər ştatlararası magistralda qaydalara riayət etməyən sürücünün arxasınca düşüblər.
Həmin vaxt avtomobil sahibi "Facebook Live”da canlı yayım edirmiş.
Kadrlarda sükan arxasında hüquq mühafizəçilərindən necə qaçdığını danışan gəncin bir müddətdən sonra maşından düşərək sürətlə uzaqlaşdığı görünür. Daha sonra atəş səsi eşidilir və gənc qışqıraraq yerə yıxılır.
Bütün baş verənləri "Facebook”un canlı yayımında 4 mindən artıq insan izləyib.
Hadisə böyük etirazlarla qarşılanıb.
