Lukaşenko Bakıya Putinin mesajını çatdırmaq üçün gəlib? – Belarus prezidenti vasitəçi rolunda
16:09 / 15.04.2021
1174
"Lukaşenko "İsgəndər-M” raketilə bağlı yaranan
problemdə vasitəçi rolunda çıxış edir”.
Bu sözləri Sfera.az-a açıqlamasında Belarus prezidenti
Aleksandr Lukaşenkonun Bakıya səfərilə, onun Minskə dönəndən sonra rusiyalı həmkarı
Vladimir Putinlə telefonla danışması arasında hansısa bağlılığın olmasına aydınlıq
gətirərkən politoloq Məhəmməd Əsədullazadə deyib.
Həmsöhbətimizin dediyinə görə, ola bilər,
Lukaşenko "İsgəndər-M” raketilə bağlı Moskva ilə Bakı arasında yaranan
problemin həllində vasitəçilik edir: "Belarus prezidentinin Azərbaycana səfəri iki
ölkə arasında siyasi, iqtisadi, texniki-hərbi əməkdaşlığın bundan sonrakı
inkişafına həsr edilib. Onun Minskə qayıtdıqdan dərhal sonra Rusiya prezidenti
Vladimir Putinlə zəngləşməsi düşünürəm ki, Bakı ilə Moskva arasında son
zamanlar "İsgəndər-M” raketilə bağlı yaşanan müəyyən suallarla bağlı olub.
Rusiya tərəfi həmin raketlərlə bağlı qeyri-müəyyənlik
ortaya qoyub, həqiqətə uyğun olmayan informasiyalar yayır. Bundan əlavə
Rusiya sülhməramlı qüvvələrin Qarabağdakı fəaliyyəti istiqamətində də
bir sıra problemlər mövcuddur. Görünür, Lukaşenko məhz "İsgəndər-M” raketlərilə
bağlı yaranan problemin həllində vasitəçi qismində çıxış edir. Lukaşenkonun məhz
bu istiamətdə vasitəçi qismində rol aldığını istisna etmirəm”.
Politoloq bildirdi ki, Azərbaycanın sözügedən
məsələ ilə bağlı müəyyən irad və istəkləri Lukaşenkonun diqqətinə çatdırılıb və
o da bunları Putinə bildirib: "Belə hallar dünya diplomatik praktikasında mümkün variantlardır”.
Elçin
