"Liverpul”un kapitanı Cordan Henderson mövsümün qalan oyunlarında iştirak etməyəcək.

Sfera.az xəbər verir ki, bu barədə komandanın baş məşqçisi Yurgen Klopp məlumat verib. O, "Brayton”la matçda dizindən zədələnən 30 yaşlı yarımmüdafiəçinin qalan 4 matçda iştirak etməyəcəyini söyləyib.

Alman mütəxəssis Hendersonun əməliyyat olunmayacağını və yeni mövsümə kimi hazır olacağını bildirib.

İngiltərə futbolçu bu mövsüm Premyer Liqada keçirdiyi 30 matçda 4 qol vurub, 5 assist edib.