Litva ilə Belarus arasındakı qarşıdurmanın ilk qurbanı: Döyülmüş miqrant sərhəddə öldü
13:03 / 04.08.2021
995
Avqustun 4-də Belarus-Litva sərhədində şərqli görünüşü olan, ölümcül döyülmüş gənc həlak
olub. O, Belarus sərhədçiləri tərəfindən tapılıb və ilkin tibbi yardım göstərilsə
də, gənci xilas etmək mümkün olmayıb.
Sfera.az-ın pravda.ru-ya istinadla məlumatına
görə, həyatını itirən gənc İraq vətəndaşı imiş. Dövlət Sərhəd Komitəsinin nümayəndəsi
Anton Bıçkovski bildirib ki, sərhədi ağır vəziyyətdə keçən digər miqrantlar da
var. Belarus sərhədçiləri Litvadan qovulan qırx əcnəbi aşkarlayıblar. Hamısında
fiziki zədələr və depressiv psixoloji vəziyyət müşahidə olunur.
Anton Bıçkovski qeyd edib ki, qaçqınlar
arasında döyülən qadınlar və uşaqlar da az deyil. Dövlət Sərhəd Komitəsi bu vəziyyətə
münasibətini bildirib:
"Çarəsiz insanlara, xüsusilə də qadın və uşaqlara qarşı bu cür üsulların tətbiq
edilməsini qəbuledilməz hesab edirik. Bu cür hərəkətlər insan hüquqlarını kobud
şəkildə pozur və beynəlxalq təşkilatla da daxil olmaqla, səlahiyyətli orqanlar tərəfindən
araşdırılmalıdır".
Selcan
Sfera.az