Leş ət yeməmək üçün bunları bilməlisiniz! – At, eşşək ətini necə tanıyaq?
12:41 / 03.02.2021
2135
Xəbər verdiyimiz kimi yararsız ətlərin satışı ilə məşğul
olan daha bir şəbəkəyə zərbə vurulub. Baş Mütəşəkkil Cinayətkarlıqla Mübarizə
İdarəsinin əməkdaşlarının həyata keçirdiyi əməliyyat nəticəsində mənşəyi məlum
olmayan 10 ton mal və at əti aşkarlanıb. "At Elçin" ləqəbi ilə tanınan Elçin Kərimov
saxlanılıb.
Bundan iki
il öncə isə "Leş Tofiq” və onun mütəşəkkil dəstəsinin üzvləri ələ
keçmiş və bu ölkə gündəminə çevrilmişdi.
Təəssüf ki, bu problem illərdir aktualdır və öz
yekun həllini tapa bilmir.
Bəs, nə etməli? Bu problemin tam həlli mümkündürmü
və istehlakçılar yararsız ətləri necə ayırd edə bilər?
"20 ildən artıqdır ki, yararsız ətlərin satışı
ilə məşğul olan mafiyanı məhv etmək uğrunda mübarizə aparırıq. Lakin onların
ifşa olunmasında ən mütəşəkkil işi Daxili İşlər Nazirliyinin Baş Mütəşəkkil
Cinayətkarlıqla Mübarizə İdarəsi görür. Çünki bu qurum leşyığanları ifşa edir, cinayət
işi qaldırır və günahkarlar həbs edilir. Ancaq Həbs olunan şəxslərin sonradan bəraət
almaması lazımdır.
Leşyığanların sonu niyə gəlmir? Çünki onlara tələbat
var. Belə ki, heyvanı ölən şəxslər bu cür ət alan insanları axtarır və maddi
qazanc əldə etmək istəyir. Buna görə çalışmalıyıq ki, insanlarda bu istiqamətdə
müəyyən əxlaq formalaşsın. Satılan leşlər uşaq bağçasından tutmuş kafe və
restoranlara, evlərinizə qədər gedib çıxır. Bu məsələnin sonlandırılması üçün
bundan sonra da ciddi nəzarət olmalıdır. Nazirlər Kabinetinin qərarına uyğun
olaraq, ölkə bazarında satılan bütün ətlər qablaşdırılmalı və üzərində istehsal
tarixi ilə istehlakçı qeyd olunmalıdır. Bu qərar yerinə yetirilərsə, hər hansı
problem yaşanmaz".
"Ət alan şəxslər mütləq şəkildə istehsalçıdan Qida Təhlükəsizliyi Agentliyinin sertifikatını tələb etməlidirlər. Bundan başqa əti almamışdan qabaq diqqətlə nəzərdən keçirmək lazımdır. Belə ki, ətin qabırğalarının içərisində ağ piylər varsa demək ki, bu ət camış ətidir. Əgər ət tünd rəngdədirsə və içərisində sarı piylər varsa, bu at ya eşşək ətidir. At və eşşək ətini bişirəndə xüsusilə pis iy gəlir. Bundan başqa murdar ətlərin rəngi çox qırmızı olur".
Sfera.az
Əzizə Zeynal