Lənkəranskinin 40 mərasiminin erkən keçirilməsinin müdhiş – Sirri
22:01 / 02.10.2016
13779
Məşhur kriminal avtoritet Rövşən Lənkəranskinin 40 mərasiminin erkən keçirilməsinin səbəbi məlum olub.
24saat.org-un əldə etdiyi məlumata görə, mərhumun 40 mərasimi vaxtından iki gün əvvəl təşkil olunub.
Buna səbəb ölkədə ümumxalq səsverməsi keçirilməsi olub. Lənkəranskinin ölümünün qırxıncı günü sentyabrın 26-na təsadüf edib. Ölkədə referendum keçirilməsi də eyni gündə planlaşdırıldığından mərasim sentyabrın 24-ə ertələnib. Məlumatda bildirilir ki, bu məsələ tərəflər arasında razılaşdırılıb. Lənkəranskinin ailəsi seçki gününü nəzərə alaraq 40 mərasiminin vaxtını qabağa çəkib.
Referendum günü həm səsvermə, həm tanınmış bir şəxsin yas məclisinin baş tutması Lənkəranda narahatlıq doğura bilərdi.
Bu baxımdan qarşılıqlı anlaşma şəraitində razılaşma əldə olunub. Lənkəranskinin 40 mərasimi izdihamlı keçib və Rusiyadan, müxtəlif yerlərdən gələnlər olub.
"Kiçik bazar” məhəlləsində təşkil olunan məclisdə yerli sakinlər, mərhumun yaxınları və yas mərasiminə yetişə bilməyən tanışları iştirak edib.
Axşam saatlarında Rövşənin məzarı ziyarət olunub. 40 mərasimi gününə qədər Lənkəranskinin başdaşı hazır olmayıb.
Əldə etdiyimiz bilgiyə görə, mərhumla qohum olan deputat Fəzail Ağamalı da mərasimin 2 gün qabağa çəkilməsi üçün danışıqlar prosesində iştirak edib.
Beləcə hər iki tədbir insidentsiz ötüşüb.
Məlumat verdiyimiz kimi, Lənkəranskinin 40 mərasimindən sonra ailəsinin Bakıya köçəcəyi deyilir.
Böyük oğlu Rafiq Canıyev paytaxt məktəblərindən birində 7-ci sinifə gedəcək. Buna qədər balaca Rafiq şəhərin 4 saylı məktəbində təhsil alırdı.
Qeyd edək ki, Lənkəranski avqustun 18-də İstanbulda qətlə yetirilib. Onun qətlində "Şakro Molodoy” ləqəbli Zaxar Kalaşovun əlinin olduğu deyilir. İstintaq davam edir. Amma onun qətlinin kim tərəfindən sifariş edildiyi konkret açıqlanmayıb.
Sfera.az
