Həbsdə olan şəxsin daha bir cinayəti aşkarlanıb - FOTO
Oğuz Rayon Polis Şöbəsinin əməkdaşlarının həyata keçirdiyi əməliyyat nəticəsində, 2014-cü ildə quldurluq hadisəsi törədən 37 yaşlı Aqil Şirəliyev müəyyən edilərək məsuliyyətə cəlb olunub. Əvvəllər dəfələrlə məhkum edilən və hazırda həbsdə olan Aqil Şirəliyev, həmin vaxt şəxsiyyətini gizlətmək məqsədilə maska ilə kamuflyaj olunaraq, gecə saatlarında rayon sakininə məxsus evə daxil olub.
Sfera.az xəbər verir ki, bu haqda Daxili İşlər Nazirliyinin mətbuat xidmətinin rəisi Elşad Hacıyev açıqlama verib.
Ev sahibinə fiziki zorakılıq tətbiq edən Şirəliyev, soyuq silahdan istifadə edərək zərərçəkmişi hədələyib və onun pul vəsaitlərini ələ keçirib. Əməliyyat-istintaq tədbirləri və müvafiq ekspertizalar nəticəsində, cinayətin Aqil Şirəliyev tərəfindən törədildiyi müəyyən edilib.
Faktla bağlı araşdırmalar davam edir.
Bəsti Rəfizadə
Sfera.az
