Həkimlər və teleaparıcıların adından istifadə edən dələduz saxlanıldı - VİDEO

Həkimlər və teleaparıcıların adından istifadə edən dələduz saxlanıldı - VİDEO

Sosial şəbəkələrdə səhifələri olan həkimlər və televiziya aparıcılarının adından istifadə edərək onların dostluğunda olan şəxslərə qarşı dələduzluq edilməsi faktı üzrə son günlərdə mediada yayılan məlumatlar Daxili İşlər Nazirliyində nəzarətə götürülərək araşdırmalara başlanılıb.

 

Bu barədə Sfera.az-a Daxili İşlər Nazirliyi Mətbuat Xidmətindən məlumat verilib.

 

Bildirilib ki, nazirliyə daxil olan çoxsaylı şikayətlər əsasında polis əməkdaşlarının keçirdikləri tədbirlər nəticəsində onlayn yolla dələduzluq edən həmin şəxsin - Lənkəran şəhər sakini Kəlbihüseyn Abuşovun -qısa zamanda saxlanılması təmin olunub.

 

Həmin şəxs ifadəsində sosial şəbəkələrdə həkimlərin və aparıcıların adından istifadə etdiyini və onların tanışlarının etibarından sui-istifadə edərək müxtəlif məbləğlərdə pul vəsaitləri aldığını bildirib.

 

Araşdırmalar zamanı saxlanılan şəxsin, həmçinin, televiziyaların birində efirə gedən verilişdə qonaq kimi iştirak etmək istəyən həkimləri, guya onların həmin kanalda çıxışını təşkil edəcəyi adı altında aldadaraq pul vəsaitlərini ələ keçirdiyi də müəyyən edilib.

 

Qeyd edək ki, saxlanılan şəxs əvvəllər də dələduzluq etdiyindən barəsində cinayət işi mövcuddur və hazırda iş məhkəmə baxışındadır. K.Abuşovun etdiyi sonuncu hüquqazidd əməllər barəsində toplanmış material da baxılması üçün məhkəməyə göndərilib. Məhkəmənin qərarı ilə K.Abuşov həbs edilib. Araşdırmalar davam etdirilir.

 


OXŞAR XƏBƏRLƏR

Ötən ay axtarışda olan 387 nəfər sərhəddə saxlanıldı

Noyabr ayında cinayətkarlığa qarşı mübarizə tədbirləri nəticəsində Azərbaycan hüquq-mühafizə оrqanları tərəfindən axtarışda оlan 387 nəfər saxlanılaraq aidiyyət...

Prezidentdən Məzahir Pənahovla bağlı FƏRMAN

Mərkəzi Seçki Komissiyasının (MSK) sədrinə yeni səlahiyyət verilib.   "Report" xəbər verir ki, bu barədə Azərbaycan Prezidenti İlham Əliyev...

“Fransa Ermənistana "Sezar" artilleriya silahları göndərəcək” - AÇIQLAMA

“Fransa 2024-cü ildə Ermənistana "Sezar" artilleriya silahları göndərmək niyyətindədir”.   Sfera.az bildirir ki, bunu politoloq...

Prezidentdən Çinlə bağlı FƏRMAN

2023-cü il oktyabrın 17-də Pekin şəhərində imzalanmış “Azərbaycan Respublikasının Energetika Nazirliyi və Çin Xalq Respublikasının Milli Enerji Administra...

“Netanyahu müharibə cinayətkarıdır” - Ərdoğan

Türkiyə Prezidenti Rəcəb Tayyib Ərdoğan İstanbul Konqres Mərkəzində İslam Əməkdaşlıq Təşkilatının İqtisadi və Ticarət Əməkdaşlıq Daimi Komitəsinin 39-cu Nazirlə...

Pərvindən Razinin ərini "prokat" adlandıranlara CAVAB: "Gözlərim doldu" - VİDEO

Qalmaqallı model Razi Əliyeva (Raziyyat) Nicat adlı bəyə ərə gedib.   Sfera.az xəbər verir ki, onların xoş günündə iştirak edən aktrisa Pərvin A...