Kreml sözçüsü Lukaşenko və oğlunun öldürülməsi planından danışdı
15:35 / 19.04.2021
1254
Kreml Lukaşenkoya sui-qəsd planına münasibət
bildirib.
Sfera.az-ın "İnterfaks”a istinadla məlumatına
görə, Kremlin sözçüsü Dmitri Peskov Belarus prezidenti Aleksandr Lukaşenkoyaya
sui-qəsd planının tamamilə destruktiv olduğunu deyib:
"Tamamilə konkret və destruktiv planların
müzakirə edildiyinə şübhə yoxdur. Bunu tam əminliklə söyləmək olar”.
O, həmçinin
Rusiya prezidenti Vladimir Putinin ABŞ lideri Co Baydenlə telefon
danışığında Belarusda dövlət çevrilişinə hazırlıq məsələsini müzakirə etdiyini
də təsdiqləyib.
Xatırladaq ki, aprelin 17-də Lukaşenko ona və övladlarına qarşı sui-qəsd
planlaşdırıldığını bildirmişdi.Belarus prezidentinin dediyinə görə, onu aradan
götürmək məsələsi ABŞ-ın ali rəhbərliyi tərəfindən təsdiqlənib.
O, həmçinin
qeyd etmişdi ki, Putin Baydenlə söhbəti zamanı sözügedən sui-qəsd cəhdilə
bağlı sual versə də, cavab ala bilməyib.
Daha sonra Federal Təhlükəsizlik Xidməti (FTB)
Moskvada Belarusda hərbi çevriliş planlaşdıran iki nəfərin həbs olunduğunu bəyan
etdi. Qurumdan verilən məlumata görə, saxlanılanlardan biri ikili vətəndaşlığı
olan Yuri Zyankoviç ABŞ və Polşadakı məsləhətləşmələrdən sonra Moskvaya gəlib.
O, Belarus Silahlı Qüvvələrinin təmsilçiləri ilə görüşərək onları çevrilişdə
iştirak etməyə razı salmağı planlaşdırırmış.
Tərcümə: Selcan
Sfera.az