Tailand Kralı Bhumibol Adulyadej Banqkokda müalicə aldığı xəstəxanada 88 yaşında həyatını itirib.

Sefra.az xəbər verir ki, saraydan verilən xəbərə görə, Kral illərdir müalicə aldığı ağciyər infeksiyası və böyrək çatışmazlığı səbəbilə Siriraj Xəstəxanasında ölüb.

 

 

Qardaşı Ananda Mahidolun ölümündən sonra 1946-cı idlə çıxdığı taxtda 70 il qalaraq 20-ci əsrin ən uzun ömürlü kralı olan Bhumibolun ölümündən dərhal sonra Tailand parlamenti fövqəladə toplantıya çağırılıb.

 

Baş nazir Prayuth Çan-oça, Kral Bhumibolun ölümündən sonra hökumət rəsmiləri üçün bir illik yas elan etdi.

 

Buhimibolun yerinə tək varisi olan oğlu 64 yaşlı Çok Vajiralongkornun keçməsi gözlənilir.

 

Həftə başında Kral Bhumibolun sağlamlıq vəziyyətinin pisləşdiyinin açıqlanmasındans sonra minlərlə Tailandlı müalicə gördüyü xəstəxanaya və Buddist məbədlərə yürüş etmişdi.