Yaşıllar hərəkatının lideri, sabiq millət vəkili Ceyhun Osmanlı ölkədə həyata keçirilən antikorrupsiya tədbirləri və səs-küylü həbslərlə bağlı fikirlərini bildirib.

Sfera.az-ın məlumatına görə, bu haqda özünün sosial şəbəkə hesabında paylaşım edən Ceyhun Osmanlı yaşadığımız 2020-ci ili Azərbaycanda antikorrupsiya ili kimi xarakterizə edib:

"Haqqı tapdalanan vətəndaş yalnız olmadığını anlayır. Lakin korrupsiya faktları ilə həbs edilənlər və onların havadarları yenə də dəbdən düşmüş üsullardan istifadə edir. Korrupsiya ilə mübarizədən yazan insanlara qarşı sifarişli məqalələr hazırlayır və hətta öz əməlləri üçün xarici xüsusi xidmət orqanlarının nəzarətində olan saytlar və səhifələrlə əməkdaşlıqdan çəkinmirlər. Necə ki, dəvəquşu başını kolun dibinə soxur və elə bilir ki, görsənmir”.