Sfera.az xəbər verir ki, bu sözləri Yeni Azərbaycan Partiyası Nizami rayon Təşkilatının sədr müavini Ramin Əhmədov Prezidentin bölgələrə son səfəri barədə danışarkən deyib.

YAP rəsmisi qeyd edib ki, koronavirusun dünya iqtisadiyyatını iflic vəziyyətə qoyduğu zamanda ölkəmizdə sosial layihələrin təxirə salınmaması iqtisadi sistemimizin düzgün qurulmasından xəbər verir: "Məlumdur ki, dünya ölkələri koronavirus infeksiyasına görə 2008-ci il maliyyə böhranından daha çətin günlər yaşayır. Bu böhranın Azərbaycan iqtisadiyyatında da gərginliklər yaratması təbiidir. Əsas problem ölkələrin bu iqtisadi gərginlikdən hansı metodlarla çıxacağıdır. Ölkəmiz qısa müddət ərazində dünyaya koronavirusun iqtisadiyyata təsirini azaltmaqla bağlı nümunəvi model təqdim etdi. Azərbaycanda qurulan dayanıqlı iqtisadiyyat və koronavirus pandemiyasının yayılmasının qarşısının alınması məqsədilə görülən qabaqlayıcı tədbirlər nəticəsində maliyyə itkilərimiz minimuma endirildi, əhalinin gəlirlərinin azalması dövlət vəsaiti hesabına konpensasiya olundu”.

Ramin Əhmədov vurğulayıb ki, ölkə başçısının müdrik idarəçiliyi və uzaqgörənliyi sayəsində Azərbaycan koronavirus infeksiyasına qalib gələcək: "Dövlətin yanında olmaq və qoyulan qaydalara əməl etmək hər bir Azərbaycan vətəndaşının borcudur. Dövlət vətəndaşı üçün hər şeyi edir. Həm sağlamlığını qoruyur, həm də iqtisadi itkilərinin qarşısını alır. Vətəndaş da qaydalara əməl etməklə dövlətə dəstək olmalıdır”.

Ramin Əhmədov dövlətin sahibkarlara vergi güzəştlərinin tətbiq edilməsi yönündə atdığı addımlardan da danışıb. Onun sözlərinə görə, Prezident İlham Əliyevin pandemiyə dövründə sahibkarlara güzəştlərin edilməsilə bağlı verdiyi tapşırıqlar, ölkədəki biznes mühitinə böyük dəstəkdir: "Pademiyadan ən çox əziyyət çəkən sektorlardan biri biznes sturukturlarıdır. Çünki iş yerlərinin müvəqqəti olaraq qapadılması və alıcılıq qabiliyyətinin enməsi hər bir sahibkarın gəlirinə mənfi təsir edir. Belə bir məqamda sahibkarlar üçün nəzərdə tutulan müvəqqəti vergi güzəştlərinə dair layihələrin işlənməsi, sahibkarlıq sahəsində dayanıqlı və davamlı fəaliyyətin təmin olunması xüsusunda olduqca böyük əhəmiyyət kəsb edir. Bundan başqa, korrupsiya və rüşvətxorluğa qarşı aparılan amansız mübarizə də sahibkarlıq fəaliyyətinin daha da genişlənməsinə şərait yaradan əsas amillərdən biridir. Sahibkarları incidən, qanunsuz olaraq müxtəlif ödənişlər tələb edən, yeni iş yerləri yaratmaq məqsədi daşıyan müxtəlif layihələrin gerçəkləşdirilməsinə imkan verməyən və ya bu kimi layihələrdən öz şəxsi maraqları üçün istifadə etməyə çalışıan icra başçıları və ayrı-ayrı məmurların cəzalandırılması, ən əsası isə dövlət başçısının onlara qarşı barışmaz mövqe tutması, heç şübhəsiz ki, ölkədə sahibkarlığın daha da inkişaf etməsində böyük rol oynayır. Bu gün sahibkarlar cənab Prezidentə, dövlətə, dövlətin qanunlarına güvənərək yeni-yeni layihələr ərzəyə gətirməyə həvəslənir və ölkəmizin inkişafına töhfə verməyə çalışırlar”.