Bunu "Ölkə.Az”a açıqlamasında respublikanın baş infeksionisti Cəlal İsayev deyib. Onun sözlərinə görə, hava, damcı yolu ilə yayılan infeksiyalarla ancaq, maska taxıb, sosial məsafə qoruyub, izolyasiya qaydalarına əməl etməklə effektiv mübarizə aparmaq olar.

"Lakin bir qisim insanlarda infeksiya olmasına baxmayaraq, onlar bunu hiss etmirlər və əhali arasında dolaşaraq, xəstəliyi yayırlar. Son günlərdə virus sürətlə yayılmasının da səbəbi budur. Odur ki, insanlar maska taxıb, sosial məsafə saxlasalar yaxşı olar. Xəstəliyin əlamətlərini və ya narahatçılıq hiss edənlər dərhal həkimə müraciət etməlidir. Ancaq bizim vətəndaşlarımız 3-4 gün xəstə halda gəzib, ətrafdakılarını yoluxdurur, özünün də səhhəti ağırlaşanda həkimə müraciət edir. O zaman da gec olur. İnsanlarımız çox səhlənkarlıq edirlər”- deyə C.İsayev deyib.

İctimai nəqliyyatda yaranan sıxlıqlara toxunan Baş infeksionist bildirib ki, əhali yeri gəldi-gəlmədi bir bahənə edərək ictimai nəqliyyatla qohumugilə, ya gəzməyə, yaxud da marketə gedir:

"Epidemiya dövründə belə hərəkətlər yolverilməzdir. Bu, bizim vətəndaşlıq borcumuzdur. Özümüzü, ətrafdakılarımızı düşünməliyik. Bilməliyik ki, artıq xəstəxanlarda da, reanimasiyalarda da yerlər azalır. Bunları nəzərə alıb daha məsuiyyətli addım atmalıyıq”.