Qurani-Kərimdə qiyamət ifadəsinə çox yaxın olan axirət kəlməsi – beş yerdə fərqli formada istifadə edilməsi xaric – 110 yerdə keçir, 26 ayədə "əl-yevmül-axir” kimi qeyd olunur.

Qiyamətin dəqiq nə vaxt baş verəcəyi bilinmir, amma Qurani-Kərimdə bunun qəfil gələcəyi, öncədən isə əlamətlərinin ortaya çıxacağı bildirilir.

Müqəddəs kitabda qiyamət əlaməti kimi göyün insanları bürüyəcək bir duman yayacağı və Ayın bölünəcəyi də göstərilir.

Bununla yanaşı, İslam peyğəmbəri Həzrəti Məhəmməd (s) qiyamətdən öncə baş verəcəkləri açıqlayıb.

Publika.az Türkiyə mediasına istinadən bu əlamətlərin bir qismini təqdim edir:

- Elmin yerini cəhalət tutacaq;

- İnsanı sərxoş edən içkilər kütləvi şəkildə yayılacaq;

- Zina adiləşəcək;

- Çobanlar varlanaraq, binalar inşa etmək uğrunda yarışacaqlar;

- Sərvət o qədər çoxalacaq ki, zəkat veriləcək heç kim qalmayacaq;

- Eyni məqsədə xidmət edən iki böyük toplum bir-biri ilə döyüşəcək;

- Qətllər və fitnələr çoxalacaq;

- Qadınların sayı çoxalacaq, 50 qadına bir kişi düşəcək;

- Müsəlmanlar qıldan ayaqqabı geyinən, kiçik gözlü, geniş üzlü insan qrupları ilə müharibə edəcək;

- İnsanlar həyatdan bezərək, ölülərə qibtə edəcək;

- Allahın elçisi olduğunu iddia edən 30-a qədər yalançı dəccal çıxacaq;

- Yer üzündə Allah deyən heç kim qalmayacaq;

- Gecə ilə gündüz bərabərləşəcək;

- Zəlzələlər çoxalacaq;

- Günəş Qərbdən doğacaq;

- Şərqdə, Qərbdə və Ərəbistan yarımadasında torpaq parçaları batacaq;

Belə əlamətlər çoxsaylıdır. Qeyd etdiyimiz əlamətlərin hansının olub-olmadığını, hansının isə olacağını demək çətindir. Amma 2020-ci il başlayan kimi dünyanın koronavirus da daxil olmaqla üzləşdiyi çətinliklər qiyamət gözləntilərini də artırıb.

 

Sfera.az