Sfera.az Türkiyə KİV-nə istinadən xəbər verir ki, tətbiq edilən peyvəndlərin  əks təsirləri mövcuddur:

Koronavirus əleyhinə təqdim edilən Pfizer / BioNTech peyvəndi 40 min könüllüyə tətbiq edilib. Həmin peyvənd vurulan şəxslərdən 80 faizində iynənin tətbiq edildiyi hissədə ağrılar yaranıb. Bəzi şəxslərdə yorğunluq, baş ağrısı və əzələ ağrıları formalaşıb. Bir qisim insanda isə şişmiş limfa düyünləri meydana gəlib. Bu hallar peyvəndin tətbiq edildiyi gənclərdə daha çox özünü büruzə verib. 

Oksford Universiteti və "AstraZeneca” əczaçılıq şirkəti tərəfindən birgə hazırlanan koronavirusa qarşı peyvənd isə 23 000 insana tətbiq edilib. Bu peyvəndin xüsusi yan təsirləri müşahidə olunmayıb və daha etibarlı olduğu bildirilir. 

Ümumilikdə mütəxəssislər koronavirusa qarşı peyvəndlərin ayrı-arılıqda müxtəlif problemələr yaratdığını bildirir. Məsələn, Pfizer / BioNTech peyvəndinin 18 min insanda bel, üz iflicinə səbəb olduğu ehtimal edilir. Lakin bu problemlərin peyvəndlə əlaqədar olduğu tam olaraq əksini tapmayıb.

Bundan başqa peyvənd vurulan 8 nəfərdə appendisit problemi yaranıb. Amma ABŞ Qida və Dərman idarəsi bu problemin peyvəndlə əlaqədar olmadığını bildirib. 

Allergiyası olan insanlara da ingiltərəli mütəxəssislər peyvənddən uzaq durmağı tövsiyə edir. Çünki allergiyalı şəxslərdə peyvənd tətbiq edildikdən qısa müddət sonra ağırlaşmalar olur. Lakin bu bütün allergiyası ola şəxslərə şamil edilmir. Belə ki, mütəxəssislər yumurta, qoz-fındığa qarşı allergiyası olan şəxslərə peyvəndin yan təsirinin olmadığını bildirir.

Hələ ki, koronavirus əleyhinə peyvəndlər yeni tətbiq edildiyi üçün əks təsirlərin tam siyahısını vermək mümkün deyil. Bunun üçün müəyyən zaman lazımdır.