Belə ki, Nizami rayonu Q.Qarayev 54, 58, 69, 77, 79, 83, Rüstəmov 43, 47, 62, 66, 68, 70, 76, E.Süleymanov 133, 135, Şərifli 102, 104a, 104b, Nəsimi 16-20 ünvanlarında sakinlərlə görüş təşkil olunub. Bu görüşlər nəticəsində insanların problemləri ilə yaxından tanış olmaq imkanı yaranıb. Görüş zamanı aydın olub ki, adıçəkilən ünvanlarda əsasən məhəllələrin abadlaşdırılması, işıqlandırılması, su sayğaclarının quraşdırılması, məşğulluq məsələləri, blokların təmiri, liftlərin yenilənməsi və ya təmiri, quru ağacların budanması və s. həllini gözləyən məsələlər sırasındadır. Sakinlərin qaldırdığı bütün məsələlərin qısa zamanda həll olunması məqsədilə artıq aidiyyəti qurumlara  müraciətlər də təqdim olunub.

Görüş zamanı millət vəkili Könül Nurullayeva bildirib ki, sakinlərlə görüş, xüsusilə də canlı ünsiyyət olduqca vacibdir. "Sizin fikirləriniz və ümumiyyətlə, ictimai fikir bizim üçün çox əhəmiyyətlidir. Sizin hər zaman yanınızda olmağı və sizə dəstək olmağı özümə borc bilirəm”, - K.Nurullayeva qeyd edib.