No Image
No Image

“KOBRA” ləqəbli artilleriya canavarı - VİDEO

“KOBRA” ləqəbli artilleriya canavarı - VİDEO
Sentyabrın 27-də başlayan II Qarabağ müharibəsi 44 gündən sonra başa çatdı. Amma bu müharibə bizə nə qədər qəhrəman, igid oğullarımızın olduğunu bir daha göstərdi. Onlar arasında elə ölümü ilə dastan yazanlar, dillər əzbərinə çevrilənlər də oldu, "Kobra” ləqəbli qəhrəman şəhid  İbrahimov Xeyrulla Mais oğlu kimi.

Gücü və şücaəti ilə düşməni qorxuya salan qəhrəman şəhidimiz polkovnik-leytenant Xeyrulla İbrahimov uzun illər Vətənə xidmət edib. Birinci Qarabağ savaşının iştirakçısı olub. 1992-ci ildə Laçın, Qubadlı, Zəngilan, Cəbrayıl, Füzuli, Tərtər rayonlarının müdafiəsi uğrunda gedən döyüşlərdə iştirak edib. 22 mart 1994-cü ildə Füzuli rayonunun Aşağı Seyidəhmədli kəndində yaralanıb.

Xeyrulla İbrahimov Birinci Qarabağ savaşında yarımçıq qalan işini tamamlamaq üçün döyüşlər başladığı ilk gündən cəbhəyə yollanıb. Bakı korpusunun artilleriya rəisi bir çox yaşayış məntəqələrimizin işğaldan azad edilməsində qəhrəmanlıq göstərib. Şanlı ordumuzun Artilleriya Canavarı döyüş meydanında "Kobra” ləqəbi ilə tanınıb.  Onun ələ keçirilməsi üçün erməni hərbi birləşmələri pul mükafatı da təyin edibmiş. 

Qarabağı düşməndən azad etmək eşqi ilə alışıb-yanan Xeyrulla İbrahimov baş geyimi ilə düşmən obyektlərinin dəqiq koordinantlarını müəyyən edən, 1 mərmi ilə düşmənin 2 hədəfini məhv edən İGİD SƏRKƏRDƏLƏRDƏN idi. Xeyrulla İbrahimov dünya miqyasında qəbul olunan əfsanəvi hərbçidir. O, dünyanın istənilən bölgəsində, istənilən relyefində imkansız sayılan hərbi əməliyyatları həyata keçirə bilən PAŞALARIMIZDAN idi.  Cəbhə bölgəsində Ermənistan silahlı birləşmələrinin canına qorxu salan, xeyli sayda texnikanı ələ keçirən və çoxsaylı düşməni məhv edən Xeyrulla İbrahimov Şuşa uğrunda gedən döyüşlərdə şəhidlik zirvəsinə yüksəlib. İllər keçəcək, qərinələr ötəcək, qan yaddaşımızda Xeyrulla kimi qəhrəmanlarımız əbədi yaşayacaq.

Bu döyüşlərdə o, zabit heyəti içərisində özünün komandirlərə xas, dərin hərbi bilik, döyüşdə hadisələrin gedişini əvvəlcədən duyub, lazımi tədbirlər görmək qabiliyyətinə malik, tabeliyindəki şəxsi heyətə qarşı ədalətli və qayğıkeş bir komandir kimi göstərmişdir. Xeyrulla cismən dünyasını dəyişsə də, əbədiyaşar qəhrəman kimi dostlarının, tanıyanların və ümumiyyətlə, xalqımızın qəlbindədir. 

Azərbaycanın mərd, cəsur, hünərli və vətənpərvər oğlu Xeyrulla İbrahimov  1971-ci il aprelin 19-da Bakı şəhərində anadan olub. Ötən 19 il ərzində müxtəlif hərbi hissələrdə, müxtəlif vəzifələrdə çalışan Xeyrulla İbrahimov qüsursuz xidməti ilə daim diqqət mərkəzində olub. Təsadüfi deyil ki, 1992-ci ildə Azərbaycanın ən gənc hərbi hissə komandiri olan Xeyrulla İbrahimov 3 il ardıcıl olaraq "Azərbaycanın ən yaxşı zabiti” adına layiq görülüb. "Azərbaycan Bayrağı" ordeni və "Vətən uğrunda" medalı ilə təltif edilib. Şəhidimizin 1 qızı və 1 oğlu bizə əmanətdir.  

ALLAH RƏHMƏT ELƏSİN !

Vətən oğlu, rahat uyu, qanın yerdə qalmadı. Yetirmələrin və silahdaşların tarix yazaraq, yarımçıq qalan işini tamamladı, torpaqlarımızı yağılardan azad edərək sahibinə qovuşdurdu.
 

(qaynarinfo)
Turan Bank
Turan Bank

OXŞAR XƏBƏRLƏR

“KOBRA” ləqəbli artilleriya canavarı - VİDEO

Sentyabrın 27-də başlayan II Qarabağ müharibəsi 44 gündən sonra başa çatdı. Amma bu müharibə bizə nə qədər qəhrəman, igid oğullarımızın olduğunu bir daha göstər...

Erməni tərəfinin itkiləri yeddi mini keçdi - VİDEO

Qarabağda baş vermiş döyüşlərin aktiv fazasının sona çatmasından iki aya yaxın vaxt keçməsinə baxmayaraq, Ermənistan hökuməti hələ də itkilərinin sayı barədə də...

Sərhədçilərimiz Gorus rayonunun Şurnux kəndinə girdi - VİDEO

Sərhədçilərimiz hal-hazırda Ermənistanın Gorus rayonunun mübahisəli olan Şurnux kəndindədir. Sfera.az xəbər verir ki, hazırda Rusiya sülhməramlılarının iş...

Bu da yeni pullu yol - Ödəniş edib, maşını 120 km/saat sürətlə sürəcəksiniz - VİDEO

Artıq ödənişli yolun Xızı rayonunun Yaşma və Giləzi qəsəbələri arasında yerləşən 30 kilometrlik birinci hissəsi üzrə tikinti işləri tamamlanır. Sfera.az x...

“Bu məsələ təcili həll olunmasa, ölüm sayı artacaq” – Həkimdən həyəcan təbili - VİDEO

COVİD-19-la bağlı ölkədəki vəziyyət göz önündədir. Hələ ki, xəstəliklə bağlı heç bir müsbət irəliləyiş yoxdur. Bildiyimiz müəyyən qabaqlayıcı tədbirlərdir ki, b...

150-ə yaxın erməni əsgər və zabitini məhv edən Şəhriyar kimdir? - VİDEO

Təkbaşına düşmənin 150-dən çox canlı qüvvəsini və bir neçə texnikasını məhv edən xüsusi təyinatlı qüvvələrin hərbçisi Şəhriyar Quliyev Şuşa uğrunda gedən döyüşl...