"Kişi birbaşa maaşını qadına verməlidir” - Deputatın təklifinə REAKSİYALAR

"Kişi qadına pul ödəməməlidir. Kişi birbaşa maaşını ya kartını qadına verməlidir”.
 
Bunu Sfera.az-a açıqlamasında psixoloq Samirə Bağırova deputat Musa Quliyevin "Kişilər ev işlərinə görə həyat yoldaşlarına pul ödəməlidir” təklifinə münasibət bildirərkən deyib.

Müsahibimizin sözlərinə görə, evin xanımı qadındır və  nəyi, necə etməyi daha gözəl bilir:

"Son söz isə  kişiyə aiddir. Kişi bütün günü işində-gücündə, qadın niyə oturub maaş gözləməlidir ərindən? Bu millət vəkilinin təklif etdiyi qadınla xadiməni səhv salmaqdır. Ər-arvad dediyin münasibətdə, əgər kişi ev işində yaxud uşağa baxmaqda kömək edirsə, bu, arvad sözü ilə oturub-durmaq deyil, bu ərlik, atalıq borcunu yerinə yetirməkdir. Hə, əgər xanımını artıq işlə yükləmək istəmirsə, ayrıca xanımı üçün xadimə tutsun, pulu da bütövlükdə versin. Xanımı çox gözəl şəkildə hər şeyi idarə edəcək, təbii ki, əgər xanım gözündə görürsə. Kişiyə pul lazım olanda qadınından istəməlidir, onsuz da bütün günü işində-gücündə olur. Əlbəttə ki, qadınına güvənirsə”.

Sosioloq Lalə Mehralı isə saytımıza açıqlamasında deyib ki, ailə içində pulla ev işi görmək məsələsi çox absurd məsələdir:

"Qadın evinin işini görürsə, bunu məcburiyyətdən yox, istəyərək, sevərək edir. Eləcə də öz həyat yoldaşının işlərinə kömək edən kişi onsuz da edəcək. Pul məsələsini gündəmə gətirməklə kişilər daha çox məsuliyyəti qadınların boyununa yıxa bilər. Məsələn, deyər ki, pulunu vermişəm, etməlisən. Kobud dillə ifadə etsək, kişilərin ayağı yer alacaq. Olmazdımı ki, "Ev işlərini bölüşdürün, əziz kişilər” təklifi ilə çıxış etsinlər. Tutaq ki, pəncərə silmək qadın işi olmamalıdır – yüksəklik məsələsi var, həyəcanlı işdir. Yaxud tavanı silmək, pərdə asmaq və.s kimi şeylər qadın işi olmamalıdır, əziz kişilər, bunu siz edin, xanımınıza nisbətən incə iş saxlayın. Belə şeylər təklik etmək olardı. Amma ev işini öz xanımına pulla gördürmək mənim düşüncəmə görə, absuddur. 
Musa Quliyevə böyük hörmətim var, belə açıqlama verdiyinə inanmaq istəmədim. Cəmiyyətimizdə öz qadınına pulla iş gördürən kişi obrazını görmək istəməzdim. Eləcə də ev işlərini görüb bunun müqabilində kişidən pul tələb edən qadını da. Ailədə hər şey uzlaşma yolu ilə olmalıdır, hər şey bölüşülməli, razılıq əsasında qəbul edilməlidir. Onda kişinin pulu olmayan zaman qadın yemək bişirməsin ki, bu aylıq məvacibini ödəməmisən. Ya da çirkli yataq dəstində yatmalısan, bu aylıq ödənişin gecikib. Məntiqsizdir”.

Xatırladaq ki, Milli Məclisin Əmək və sosial siyasət komitəsinin sədri Musa Quliyev "Gender bərabərliyinin və qadın hüquqlarının təşviqində vətəndaş cəmiyyətinin rolu” mövzusunda keçirilən konfransda sözügedən təkliflə çıxış edib. O, "Ev işlərinin, ailə üzvlərinə qulluqla bağlı haqqı ödənilməyən iş saatlarının 77%-i qadınların payına düşür. Bu haqqı zəhmət çəkib kişi ödəməlidir. Çünki əgər evdə qadın olmasa, kişi bu işi görmək üçün kimisə tutmalıdır”, deyə bildirib.

Günay Rəsulqızı
Sfera.az
Sehliyali
Turan Bank

OXŞAR XƏBƏRLƏR

Oliqarx Mehrac Babayevin qalmaqallı xəstəxana tikintisi: məmur rüşvətə görə həbs olundu

Rusiyanın Nijnevartovsk şəhərində "Əsaslı Tikinti İdarəsi" dövlət şirkətinin regional filialının direktoru Aleksandr Makarikov 35 milyon rubl rüşvət almağa görə...

SOCAR 1 674 işçisini “sərbəstləşdirdi" - Müzakirələrə səbəb olan AÇIQLAMA

SOCAR 1674 işçisinin ixtisara düşməsi barədə yayılan məlumatlara münasibət bildirib.   Sfera.az-ın xəbərinə görə, SOCAR-ın ictimaiyyətlə əlaqələr və tədb...

DYP Bakıda bağlanan yollarla bağlı sürücülərə müraciət etdi

"Son vaxtlar Bakı şəhərinin mərkəzi və digər küçələrində yük avtomobillərinin gün ərzində yollarda hərəkətdə olması, bəzi ərazilərdə bu səbəbdən müəyyyən sıxlıq...

Xalq artistinin qızına nazirlikdə yüksək vəzifə verildi

Azərbaycanın Xalq artisti, Milli Konservatoriyanın professoru Mənsum İbrahimovun diplomat qızı Aysel İbrahimliyə Xarici İşlər Nazirliyində yüksək vəzifə verilib...

"Müharibə veteranı" adı və vəsiqəsini almaq istəyənlərin NƏZƏRİNƏ!

Azərbaycanda "Müharibə veteranı" adı və vəsiqəsini almaq istəyən vətəndaşlar bunun üçün müəyyən prosedurları yerinə yetirmək məcburiyyətindədir. Bu barədə...

Məhkəmədə şahidlər Əli Həsənovu İFŞA EDİR - Mənzillərin verilməsindəki, qəzetlərin tirajındakı saxtakarlıqlar MƏLUM OLDU

"Tenderlərdə hansı şirkətin qalib olmasını Əli Həsənov razışlaşdırırdı" Ləğv edilmiş Kütləvi İnformasiya Vasitələrinin İnkişafına Dövlət Dəstəyi Fondunun ...