\"Kim üç ay sonra üçün proqnoz verə bilər ki?\"- Nazirlikdən sentyabrdan ənənəvi təhsilə keçidlə bağlı AÇIQLAMA
12:00 / 27.05.2021
2350
Xəbər verdiyimiz kimi, Azərbaycan İqtisad
Universitetinin rektoru Ədalət Muradov sentyabrdan etibarən ənənəvi dərslərə
qayıdışla bağlı proqnoz verib. Rektor bu məsələ üçün hazırlıq getdiyini də vurğulayıb.
Belə məqamda ortaya belə bir sual çıxır: Təhsil
Nazirliyi tərəfindən sentyabrda ənənəvi təhsilə qayıdışla bağlı ali məktəbələrə
təlimat verilibmi?
Məsələ ilə bağlı Sfera.az-a danışan Təhsil
Nazirliyinin mətbuat katibi Cəsarət Valehov sentyabrdan dərslərin hansı formada
təşkil olunması ilə bağlı qərar qəbul edilmədiyini bildirib:
"İndidən sentyabrla bağlı qərar vermək düzgün
olmaz.Çünki sentyabra hələ 4 ay var. İndidən kim 3 aylıq proqnoz verə bilər ki?
Sentyabra yaxın bu məsələ ilə bağlı qərar vermək olar".
Nazirlik rəsmisi dərslərin ənənəvi formaya qayıtması
ilə bağlı universitetlərə təlimat verilmədiyini qeyd edib: "Hələ ki, universitetlərə ənənəvi dərslərə qayıdışla
bağlı təlimat vermək olmaz. Bu, mümkün deyil".
Sfera.az