Karantin rejiminin tətbiqinə başlandıqdan sonra ilk dəfə iqtisadi artım qeydə alındı – Azərbaycanda
15:22 / 10.06.2021
2004
"Pandemiya səbəbindən karantin rejimin tətbiqinə
başlanıldıqdan sonra ilk dəfə olaraq Azərbaycanda iqtisadi artım qeydə alınıb.
Dövlət Statistika Komitəsinin məlumatına görə, bu ilin ilk 5 ayında 31 milyard
532 milyon manatlıq ümumi daxili məhsul istehsal olunub və bu da ötən ilin eyni
dövrü ilə müqayisədə 0,8 faiz çoxdur”.
Sfera.az-ın məlumatına görə, bunu deputat,
iqtisadçı Vüqar Bayramov deyib.
O bildirib ki, pandemiyanın təsirlərindən ötən
il Azərbaycanda ÜDM istehsalı 4.3 faiz azalmışdı:
"Bu ilin ilk ayında isə iqtisadiyyatımız 2.5,
ilk 2 ayında 3.2, birinci rübdə 1.3 və nəhayət yanvar-aprel aylarında 0.2 faiz
azalmışdı. Ötən ildən başlanan azalma tempi may ayının yekunlarında artım ilə əvəz
olunub. Bu ilin ilk 5 ayında iqtisadiyyatın neft-qaz sektorunda əlavə dəyər 6,7
faiz azalıb, qeyri neft-qaz sektorunda isə 4,5 faiz artıb. Qeyri-neft
sektorunda iqtisadi aktivliyin yüksəlməsi həmçinin bu ilin yanvar ayından sonra
sərt karantin tədbirlərinin tətbiq edilməməsi və bir sıra yumşalmalara gedilməsi
ilə bağlıdır.Bu gündən isə iqtisadiyyatda yeni açlımlar tətbiq olundu. Xüsusən
də, turizm və ticarət sektorlarında iqtisadi aktivliyin yüksələcəyi gözlənilir”.
Günay
