Kanadada yaşayan 15 yaşlı Sibel Cahangirli ABŞ-ın Dyuk Universitetinin (Duke University) xüsusi istedadlı şagirdlər üçün nəzərdə tutulmuş proqramının "Data Science" kursunu müvəffəqiyyətlə bitirərək 98%-lik nəticə əldə edib.

Sfera.az xəbər verir ki, Torontodan əvvəl ABŞ-da yaşayan Sibel hələ 11 yaşında ikən Yüksək Akademik Nailiyyətlərə görə ABŞ Prezidenti Obamanın Təhsil Mükafatı Proqramının sertifikatı ilə təltif edilmişdi.

Sibelin atası Harvard məzunu Anar Cahangirli Kanadanın Ontario vilayətində bələdiyyə müşaviri vəzifəsində çalışır. Ölkəmizçün həmişə yaxşı işlər görən Anar 2020-ci ilin 12 iyul tarixindən başlayan döyüşlər zamanı Kanada Parlamenti ilə əlaqə yaradaraq bir sıra deputatlardan dövlətimizə dəstək qazanıb.

Azərbaycan Prezidentinin köməkçisi Hikmət müəllimin Kanadanın "CTV News” televiziya kanalına müsahibəsini də Anar Cahangirli təşkil eləmişdi.