Jurnalist Səxavət Məmməd həbs edildi
16:00 / 27.05.2019
2786
Yeniçağ.az saytının əməkdaşı, jurnalist Səxavət Məmməd 20 sutkalıq həbs edilib.
Sfera.az xəbər verir ki, bu barədə sosial şəbəkədə məlumat yayılıb.
Bildirilib ki, Səxavət Məməd Ağdam rayon məhkəməsinin qərarı əsasında 20 sutkalıq həbs edilib. Onun həbsinə səbəb bir neçə gün bundan öncə yazdığı məqalədir.
Qeyd edilib ki, jurnalistin həbsinə digər səbəb onun 3 min manat məbləğində aliment borcu olmasıdır. O borcu ödəyəcəyini bildirsə də, məhkəmə onun barəsində inzibati həbs qərarı çıxarıb.
Xatırladaq ki, Səxavət Məmməd "Nəcməddin Sadıkov pensiyaya göndərilir? – General üçün qərar anı” başlıqlı yazı hazırlamışdı.