İşsizlərə ŞAD XƏBƏR! Yeni QANUN QÜVVƏYƏ MİNDİ

İşsizlərə ŞAD XƏBƏR! Yeni QANUN QÜVVƏYƏ MİNDİ
Prezident İlham Əliyev İnzibati Xətalar Məcəlləsinə dəyişiklikləri təsdiqləyib.  İqtisadiyyat.Az xəbər verir ki, dəyişikliklər şirkət və digər sahibkarlıq subyektlərində işçilərin işə götürülməsi, boş iş yerləri haqqında məlumatların məşğulluq xidmətinə vaxtında təqdim edilməsi, eləcə də qanunsuz işədüzəltmə fəaliyyəti ilə məşğul olma ilə bağlı yeni cərimələrin tətbiqini nəzərdə tutur. Dəyişikliklərə əsasən:

1. Məcəllədə 43.1-ci maddəyə "538-1,” rəqəmlərindən sonra "540.5,” rəqəmləri əlavə edilir.

2. 194-cü maddənin dispozisiyasında "əlillərin, sağlamlıq imkanları məhdud 18 yaşınadək şəxslərin və sosial müdafiəyə xüsusi ehtiyacı olan digər” sözləri "sosial müdafiəyə xüsusi ehtiyacı olan və işə düzəlməkdə çətinlik çəkən” sözləri ilə əvəz edilsin və ", yaxud dövlət büdcəsinə vəsait köçürülməməsinə” sözləri çıxarılsın.

3. 523-cü maddənin "Qeyd” hissəsində "işsiz statusu almış” sözləri "işaxtaran və ya işsiz kimi qeydiyyata alınmış” sözləri ilə əvəz edilsin.

4. 540-cı maddə aşağıdakı redaksiyada verilsin:

"Maddə 540. Məşğulluq haqqında qanunvericiliyin pozulması

540.1. İşəgötürən tərəfindən müvafiq icra hakimiyyəti orqanının müəyyən etdiyi orqana (quruma), həmin orqanın göndərişi ilə işə qəbul edilənlər, o cümlədən kvota üzrə işə qəbul edilənlər və işdən çıxarılanlar haqqında aylıq hesabatların təqdim edilməməsinə görə -

üç yüz manatdan beş yüz manatadək məbləğdə cərimə edilir.

540.2. İşəgötürən tərəfindən yeni iş yeri yarandığı və ya iş yeri boşaldığı gündən ən geci 5 (beş) iş günü müddətində əməkhaqqı göstərilməklə bu barədə məlumatların müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilmiş qaydada və formada mərkəzləşdirilmiş elektron informasiya sisteminə daxil edilməməsinə görə -

beş yüz manatdan min manatadək məbləğdə cərimə edilir.

540.3. Müvafiq icra hakimiyyəti orqanının müəyyən etdiyi orqanın (qurumun) göndərişi təqdim edildiyi gündən işəgötürən tərəfindən ən geci 5 (beş) iş günü müddətində boş iş yerinin tutulub-tutulmaması ilə bağlı qərarın müvafiq icra hakimiyyəti orqanının müəyyən etdiyi orqana (quruma) təqdim edilməməsinə görə -

üç yüz manatdan beş yüz manatadək məbləğdə cərimə edilir.

540.4. Azərbaycan Respublikasının Əmək Məcəlləsində nəzərdə tutulan hallar istisna olmaqla, işəgötürənin təşəbbüsü ilə istehsalın səmərələşdirilməsi, əməyin təşkilinin təkmilləşdirilməsi, müəssisənin ləğv edilməsi, işçilərin sayının və ya ştatların ixtisar edilməsi ilə əlaqədar olaraq işçilərin sərbəstləşdirilməsinin işəgötürən tərəfindən müvafiq həmkarlar ittifaqı orqanlarına əvvəlcədən (azı 3 ay əvvəl) yazılı məlumat verilmədən və ya işçilərin hüquqlarının və mənafelərinin gözlənilməsi barədə onlarla danışıqlar aparılmadan həyata keçirilməsinə görə -

beş yüz manatdan min manatadək məbləğdə cərimə edilir.

540.5. "Məşğulluq haqqında” Azərbaycan Respublikası Qanununun 4.6–4.8-ci maddələrinin tələblərinin dövlət və yerli özünüidarəetmə orqanları tərəfindən pozulmasına görə -

vəzifəli şəxslər əlli manatdan yüz manatadək məbləğdə, hüquqi şəxslər yüz manatdan iki yüz manatadək məbləğdə cərimə edilir.”.

5. 576-cı maddə üzrə:

5.1. adına və 576.1-ci maddəsinə "Azərbaycan” sözündən əvvəl "Azərbaycan Respublikasında işaxtaran və işsiz şəxslərin işə düzəlməsi, habelə” sözləri əlavə edilsin;

5.2. aşağıdakı məzmunda 576.3-cü və 576.4-cü maddələr əlavə edilsin:

"576.3. Azərbaycan Respublikasında işaxtaran və işsiz şəxslərin işə düzəlməsində, habelə Azərbaycan Respublikası vətəndaşlarının xarici ölkələrdə işə düzəlməsində vasitəçilik fəaliyyətini həyata keçirən hüquqi şəxslər tərəfindən müvafiq icra hakimiyyəti orqanının müəyyən etdiyi orqan (qurum) tərəfindən müəyyən edilmiş qaydada və formada iş üçün müraciət edən və işlə təmin olunan şəxslərin sayı barədə məlumatların müvafiq icra hakimiyyəti orqanının müəyyən etdiyi orqana (quruma) təqdim edilməməsinə görə -

beş yüz manatdan min manatadək məbləğdə cərimə edilir.

576.4. Azərbaycan Respublikasında işaxtaran və işsiz şəxslərin işə düzəlməsində, habelə Azərbaycan Respublikası vətəndaşlarının xarici ölkələrdə işə düzəlməsində vasitəçilik fəaliyyətini həyata keçirən hüquqi şəxslər tərəfindən toplanılmış informasiya ehtiyatlarına dair müvafiq icra hakimiyyəti orqanının müəyyən etdiyi orqanla (qurumla) elektron qaydada qarşılıqlı məlumat mübadiləsinin təmin edilməməsinə görə -

beş yüz manatdan min manatadək məbləğdə cərimə edilir.”.

OXŞAR XƏBƏRLƏR

Elgizin verilişinə çıxan 14 yaşlı qız dünyasını dəyişdi - ŞOK ÖLÜM SƏBƏBİ... - VİDEOLAR

Bir neçə gün öncə "Elgizlə izlə” verilişində qızı Asimanla qonaq olan Alim bəyə itki üz verib. Lent.az -ın məlumatına görə, verilişə atasını evləndirm...

Zelenski İlham Əliyevi belə güldürdü - VİDEO

  Ukrayna Prezidenti Vladimir Zelenski mətbuata bəyanatlarla çıxışında Azərbaycan dilində salamı Prezidenti İlham Əliyev təbəssümlə qarşıla...

Bakıda doğum günündə intihar edən məmurun FOTOLARI

Xəbər verdiyimiz kimi, Nərimanov rayon İcra Hakimiyyətinin ərazi idarəetmə və yerli özünüidarəetmə orqanları ilə iş şöbəsinin müdiri Əlizadə Elmar Şamil oğlu öz...

“Sipark İnşaat”da ölüm işi necə ört-basdır edilib? – Şok təfərrüat

 "Sipark İnşaat” tikinti şirkəti Bakının Təbriz küçəsində pilot layihə olan bina inşasını acı bağırsaq kimi uzadır. Şirkət kirayələrə köçürdüyü sakinlər...

Niyaməddin Musayevin ölüm xəbəri yayıldı, məlum oldu ki...

  Bir neçə dəqiqə sosial şəbəkələrdə xalq artisti Niyaməddin Musayevin ölüm xəbəri yayılıb.  Xalq artisti bununla bağlı açıqlamasında yayılan ...

ƏHALİYƏ ŞAD XƏBƏR: Bu xəstəxanalar və xidmətlər PULSUZ OLACAQ

Sfera.az xəbər verir ki, Azərbaycanda 2020- ci ilin yanvarın 1-dən etibarən uzun illərdir ki, əhalinin gözlədiyi İcbari Tibbi Sığorta sistemi tətbiq edilməyə ba...