İsrail-Türkiyə münasibətləri düşmənçilikdən əməkdaşlığa doğru - Bakının vasitəçilik missiyası
13:19 / 03.03.2021
884
"Bakının vasitəçiliyilə Azərbaycan-Türkiyə
-İsrail birgə müəssisələri yaradıla bilər. İqtisadi, siyasi və sosial sferalarda
Türkiyə və İsrail arasında birgə layihələrin həyata keçirilməsində Azərbaycan
da maraqlıdır. Ona görə də problemin tez bir zamanda həllini tapması Bakının istəyinə
uyğundur”.
Bunu Sfera.az-a açıqlamasında İsraillə Türkiyə
arasında korlanan münasibətlərin normallaşmasında Azərbaycanın rolunu dəyərləndirərkən
Milli Məclisin deputatı Razi Nurullayev deyib:
"Türkiyə ilə İsrail arasında bütün sahələrdə,
xüsusən də hökumətlərarası münasibətlərin yaxşılaşdırılması Azərbaycanın gündəmində olan məsələdir. Əslində
Azərbaycan Təl-Əvivlə Ankaranın münasibətlərinin yaxşılaşması üçün çox işlər
görüb və nəticə də əldə edib. Bu gün Türkiyə ilə İsrail arasında əvvəlki gərgin
münasibət yoxdur. Bu da məhz Bakının xidmətinin nəticəsidir.
Bakı ayrı-ayrılıqda Türkiyə və İsraillə söhbətlər aparıb və
müxtəlif səviyyəli təmaslarında vasitəçi olub.
Məhz bu əməkdaşlıq sayəsində Bakı iki ölkə arasında buzların sınmasına
nail olub. Yaxın dövrdə Bakının vasitəçiliyilə Təl-Əvivlə Ankara arasında
münasibətlər tam olaraq normallaşacaq. Adıçəkilən
ölkələrin liderləri səviyyəsində baş rəsmi görüşün baş tutacağına inanıram.Ümid
edirəm ki, tezliklə bu da baş verəcək””.
Sfera.az
