Sfera.az xəbər verir ki, bu gün İsmayıllı rayon İcra Hakimiyyəti başçısı, Rayon Polis şöbəsi, İsmayıllı GEM-in  nümayəndələrinin, İsmayıllı şəhər İƏD üzrə nümayəndə və mobil qrupların iştirakı ilə şəhər ərazisində olan fəaliyyətinə icazə verilmiş ictimai-iaşə və ticarət obyektlərində reydlər təşkil olunub.

Qeyd edək ki, ötən günlərdə keçirilən reydlər zamanı göstərilən iradların nəticəsi olaraq bu günki reydlərdə sakinlərin karantin qaydalarına əməl etmələri və vaksinasiya olunma hallarında artım müəyyən edilib.

Reydlər zamanı yenidən  sahibkarlara, alıcılara və xidmətdən istifadə edən şəxslərə karantin rejiminin qaydaları, qida təhlükəsizliyi və sanitar-epidemioloji sahədə mövcud qanunvericilik izah edilib və maarifləndirici tövsiyələr verilib.

Görülən tədbirlərin əhalinin sağlamlığına və təhlükəsizliyinə xidmət etməsi sakinlər tərəfindən böyük razılıq və minnətdarlıqla qarşılanır.

Məlumat üçün qeyd edirik ki, Nazirlər Kabinetinin 2021-ci il 16 yanvar tarixli Sərəncamı ilə "Azərbaycan Respublikasında COVID-19 xəstəliyi əleyhinə 2021-2022-ci illər üçün Vaksinasiya Strategiyası” təsdiq edilib. Strategiyaya uyğun olaraq vaksinasiya yaş həddi və müvafiq kateqoriyalar əsasında mərhələli şəkildə həyata keçirilir.

Bir daha İsmayıllı sakinlərinə bildiririk ki, 1 ildən artıqdır ki, həyatımıza daxil olub tanışlarımızı, yaxınlarımızı, əzizlərimizi bizdən ayıran və daim bizi qorxu içərisində yaşadan bu xəstəlikdən tamamilə xilas olaraq normal həyatımıza qayıtmaq üçün "Biz Birlikdə Güclüyük" şüarı ilə bir olub yoluxmaların qarşısının alınması və vaksinasiya tədbirlərində fəal iştirak etməliyik.