Bakıda keçirilən IV İslam Həmrəyliyi Oyunlarının səkkizinci yarış günündə Azərbaycanın aktivinə daha bir qızıl medal yazılıb.

Sfera.az xəbər verir ki, kişilər arasında T11 kateqoriyasında uzunluğa tullanma yarışında təmsilçimiz Elçin Muradov 5,76 metr nəticə ilə qızıl medal qazanıb.

Bundan başqa eyni yarışda 5,22 metr nəticə ilə digər atletimiz Zeynidin Bilalov da ikinci olub.

Qeyd edək ki, paralimpiyaçımız Elçin Muradov 2012-ci ildə ölkə başçısı tərəfindən "Tərəqqi” medalı ilə təltif olunub.