No Image
No Image

“İşğaldan azad edilmiş ərazilərdəki kənd təsərrüfatı torpaqları indidən paylanmalıdır” - Ekspert

“İşğaldan azad edilmiş ərazilərdəki kənd təsərrüfatı torpaqları indidən paylanmalıdır” - Ekspert
"İşğaldan azad edilmiş ərazilərdəki kənd təsərrüfatı təyinatlı torpaqlar əhalinin məskunlaşmasından sonra hökmən kənd sakinləri arasında bölünməlidir”. 

Bunu Sfera.az saytına açıqlamasında aqrar sahə üzrə ekspert Qadir Bayramlı bildirib. İşğaldan azad edilən ərazilərində kənd təsərrüfatı təyinatlı torpaqların idarə edilməsi salahiyyətinin müvəqqəti olaraq Kənd Təsərrüfatı Nazirliyinə həvalə edilməsini şərh edən Q.Bayramlı qeyd etdi ki, pay torpaqlarının bölgüsü ədalətli və şəffaf olmalı, burada, digər rayonlarda torpaqların bölgüsü zamanı yol verilən səhvlər təkrarlanmamalıdır: 

"Torpaqların bölgüsü ədalətli olmalıdır. Başqa rayonlarda yol verilən səhvləri burada etmək olmaz. Topraqların bəziləri məhsuldar, az məhsuldar, bəziləri isə çox məhsuldardır. Eyni zamanda, torpaqlar bölünən zaman yaxın yerlərdən paylanmalıdır”.  

Ekspert söylədi ki, kənd sakinlərinə pay torpaqlarının verilməsi onların məşğulluğuna imkan yaradacaq, iqtisadi fəaliyyətinə kömək olacaq və əhalinin gəlir səviyyəsini yüksəldəcək: 

"İşğaldan azad edilən ərazilərdə yaşamış insanlar yaxşı bilir ki, burada hansı məhsulları yetişdirmək daha əlverişlidir. 

Pay torpağı kimi torpaqlar paylandıqdan sonra artıq qalan sahələr icarəyə verilməlidir. İcarəyə verilən zaman da ilk növbədə yerli ahaliyə təklif edilməlidir. 
Amma torpaqların bölünməsi ilə məsələ yekunlaşmamalıdır. Torpaq sahiblərinə dəstək verilməli, müasir təcrübə çatdırılmalıdır. Texnika və gübrələrlə təchizat da yaxşı olmalıdır”. 

Aqrar sahə üzrə ekspert Vahid Məhərrəmov isə deyir ki, torpaqlardan istifadənin Kənd Təsərrüfatı Nazirliyinə həvalə edilməsi torpaq islahatlarının uzanacağının xəbərçisidir: 

"Kənd təsərrüfatı təyinatlı torpaqların icarəyə verilməsi ondan xəbər verir ki, torpaqların paylanması prosesi uzanacaq. Çünki işğaldan azad edilən ərazilərin çox hissəsi minalanıb və onların minalardan təmizlənməsi çox vaxt aparacaq. Əhali nə qədər tez öz dədə-baba yurdlarına qayıtsa, bir o qədər tez kənd təsərrüfatı məhsullarının istehsalı arta, ərzaq təhlükəsizliyinə töhfə daha tez hiss edilər. 
Əhali əraziyə qayıtmadan da torpaq islahatı həyata keçirib, torpaqlar paylana bilər. Ərazilərin, torpaqların xəritəsi var. Dəqiqliklə ölçü aparılıb, hansı ərazidə nə qədər kənd təsərrüfatı təyinatlı torpağın olduğu müəyyənləşdirilib. Əraziyə qayıtmadan, püşk atmaqla torpaq bölgüsü aparıla bilər və ərazilər minadan təmizləndikcə, kənd əhalisini yavaş-yavaş yerləşdirmək olar”. 

V.Məhərrəmov hesab edir ki, icarəyə veriləcək torpaqlar gələcəkdə pay torpağı kimi paylanmayacaq: 

"Ehtimal etmək olar ki, icarəyə veriləcək torpaqlar əhali məskunlaşdıqdan sonra paylanmayacaq. Böyük ehtimalla çox məhsuldar torpaqlar icarəyə götürüləcək və uzun müddət istifadədə qalacaq”. 

Vasif
Sfera.az

Sehliyali

Turan Bank

OXŞAR XƏBƏRLƏR

Azərbaycanda avtomobillərin sayı niyə azdır? - ARAŞDIRMA

Azərbaycanda 2000-ci illərin əvvəlindən avtomobillərin sayında nəzərəçarpacaq artım müşahidə edilsə də, hələ də avtomobil sayına görə aşağı göstəriciyə sahib öl...

“İşğaldan azad edilmiş ərazilərdəki kənd təsərrüfatı torpaqları indidən paylanmalıdır” - Ekspert

"İşğaldan azad edilmiş ərazilərdəki kənd təsərrüfatı təyinatlı torpaqlar əhalinin məskunlaşmasından sonra hökmən kənd sakinləri arasında bölünməlidir”.  ...

Azərbaycan “yaşıl artım” ölkəsinə çevriləcək

"Azərbaycan 2030: sosial-iqtisadi inkişafa dair Milli Prioritetlər”ə əsasən yaxın 10 ildə ölkəmizin qarşısında bir neçə hədəf müəyyənləşdirilib. Bu prioritet hə...

Şirkət sahibi 2 milyard dollar pulu götürüb ölkədən qaçdı - "Thodex" skandalının PƏRDƏARXASI

Kriptovalyuta bazarında "Thodex” - 2017-ci ildə qurulan Türkiyənin yerli kriptovalyuta birjası ilə bağlı skandal yaşanır. Son bir neçə gündə Türkiyənin daxili k...

Azərbaycanda əməkhaqqları azalır, pensiyalar artır – Belə davam edərsə...

Azərbaycanda orta pensiya məbləğinin orta əməkhaqqına nisbətində artım müşahidə edilir. 2020-ci ildə orta aylıq pensiyanın orta əməkhaqqına nisbəti 42,4 faiz ol...

Ev almaq istəyənlərə ŞAD XƏBƏR

Mövcud makroiqtisadi vəziyyət daşınmaz əmlak qiymətlərinin yüksəlməsini çətinləşdirir. Xüsusən, ümumi daxili məhsul (ÜDM) istehsalının nominal göstəricilərinin ...