Belə ki, İlqar Abbasovun əmri ilə Yolçiyev Etibar Səlim oğlu Şirvan Şəhər İcra Hakimiyyəti başçısının köməkçisi təyin edilib. Qeyd edək ki, E.Yolçiyev başçının bacanağıdır və İlqar Abbasov Suraxanı rayon icra Hakimiyyətinin başçısı olarkən müavini olub.

Sfera.az-ın əldə etdiyi məlumata görə, işdən çıxarılan və ardından köməkçi təyin olunan Etibar Yolçiyev oliqarxlaşmış məmurlardan sayılır. Onun ölkə daxilində və xaricində ciddi biznes strukturlarına rəhbərlik etdiyi bildirilir. ABŞ-ın Koliforniya ştatında biznesini çiçəkləndirən E.Yolçiyevin oğlunun sərvəti isə kifayət qədər böyükdür.

Redaksiyamıza daxil olan məlumatda Etibar Yolçuyevin oğlunun uzun illərdir Kaliforniyada yaşadığı, Azərbaycana gəlmədiyi və çox spesifik bizneslə məşğul olduğu bildirilir. Bu iddialarla bağlı Etibar Yolçuyevlə əlaqə yaratmaq cəhdlərimiz uğursuz oldu.