Sfera.az bildirir ki, bunu Azərbaycanın sabiq spikeri Rəsul Quliyev deyib. 

Onun sözlərin görə, İranın belə bir siyasət aparması yeni deyil və azı 30 yaşı var:

"Türkiyənin keçmiş prezidenti Turqut Özal Azərbaycanın yanında dayananda, İran Ermənistana yanacaq məhsulları, qaz vermək barədə düşünürdü. Ermənistanın xarici ticarətinin əsası İranla idi və bu hazırda da belədir. Azərbaycanın 44 günlük Vətən müharibəsində də İran İslam Respublikası Azərbaycan qələbə çalana qədər ağzına su alıb dayanmışdı.

Əlbəttə ki, İran bizim böyük qonşumuzdur. 19-cu əsrə qədər bizim İranla tariximiz eynidir. Lakin bütün bunlara baxmayaraq, İran dünyanın, xüsusilə Azərbaycanın dəyişdiyini anlamalıdır. Əsl dostluq, qardaşlıq əlaqələrini yaratmalıdır”.

R.Quliyev qeyd edib ki, Azərbaycan heç vaxt İranın əleyhinə siyasət aparmayıb:

"İranın bu günədək Azərbaycana qarşı yürütdüyü yaramaz siyasətini anlamayanlar nadan adamlardır və onlar Azərbaycanda yüksək vəzifələr daşıya bilməz! İrana yaltaqlananlar, yaranmağa çalışanlar və buna bənzər başqa addımlar atanlar faktiki İranın agentləridir”.